السلام عليكم ورحمة الله وبركاته
اولاً / احب اشكر الجميع على المشاركه والتفاعل واللي وان دل يدل على الارتقاء الثقافي
ثانياُ / نور الدنيا وهايدي وغريبة الروح ............وهلالي دمه يغلي الله يستر منه والمزيون ............وشباصه اجوديه
كانت ارائهم متشابهه نوعاً ما بس بكل صراحه ما اقنعتني با القدر الكافي
من ضمن المحاور اللي تطرقو لها او مجملها
1- لاتوجد مقارنه بين الجوال وقيادة المراة بحيث ان الجوال داخل المنزل وامام الاهل واقل خطوره
2- الاختلاط في قيادة السياره مع الرجال
3- (لو تبنشر على الدايراي) 4- الوساوس البشريه ماترحم والعاقله قد تنحرف ............
اما الاخت فتاة الاسلام كان ردها مايل بكفة قيادة المراه وتحيه لها
(اتمنى ان اكون كتبت كل النقاط لاني مريت على الردود اكثر من مره وش وراي فاضي لكم الى ان تقولون مافيك حيله )
الرد على جميع المحاور اقول لكم ((( نسينا ماكلينا ))))
الا فيه وجه شبه اذا ماهو طبق الاصل اصلاً على وقت الجوال من كان يسمح ان زوجته او اخته يكون معها جوال وتذكرون المشايخ
وش كان كلامهم عن الجوال بيد المراه حرام وبعدين يجوز للضروره والحين حتى الاطفال اللي با الروضه معهم جوال
اما عن المخاطر للجوال اقول لكم الجوال اخطر من السياره بعشر مرات
اذا كانت السياره تمر عن طريق الطرق المعبده والموصلات المكشوفه اجل الجولات تمر عن طريق الطرق والموصلات السريه
وهي جالسه تقدر تحدد موعد برسالة جوال اسرع من البرق
السياره وسيله تنقل كانت موجوده على زمان بيت الشعر والطين مثلها مثل الابل والخيل و..... مالها الا غرض واحد الانتقال بك من مكان الى مكان
اما الجوال وسيلة اتصال اربع وعشرين ساعه واقرب من مفتاح السياره
اضف الى ان السياره امام و خارج المنزل وتحركاتها مكشوفه عند الاهل لكن الجوال داخل المنزل وتحركاته غير مكشوفه اطلاقاً ولا اريد ان اطيل والا سردت لكم قصص عن الجوال وحتى لو الاهل ماهم شمس شارقه على تصرفات بناتهم لكثرة مشاغل الحياه
وبا النسبه للعاقله والوساس البشريه والوحوش وووو ...........اقول الطريق واضح لكل قلب ناضج
وبعد ماتسوق با العكس اذا استمر الوضع لمده سنه راح تشوف عند الاشاره
عشرين بنت فيه منهن العاقله لا وممكن تسمع من المسجل صوت السديس وفيه منهن الضايعه وممكن تسمع من المسجل صوت راغب علامه
والشباب نفس الكلام وبا النهايه الطيور على اشكالها تقع بسياره والا بجوال
وبا النسبه الى الاختلاط مافيه اختلاط لان المراه بسيارتها والرجل بسيارته مابينهم اي علاقه
و الاختلاط هو ان يكون الرجال والنساء تحت سقف واحد مثل جامعه او مدرسه او إداره وموجود الاختلاط بمجتمعنا مثل المستشفيات والستوصفات
وسالفة لو تبنشر اوتعطل المساله سهله جداً والحل الاحتياطات الازمه بحيث هي تبنشر السياره ليش لا او يجي دور الجوال
تدق على اخ او اب او عم او خال او اذا كلن مشغول هنا يجي دور الحكومه بتوظيف مجموعة فتيات بكل منطقه لخدمة مثل ها الامور
وباقي شي مهم .... العقاب الصارم والمخيف لمن بتعرض لبنات المسلمين لاننا مجتمع واحد كا الاسره الواحده
ثالثاُ / ماكتب لعيونك وتحيه له وللجميع
اقول له عطني الحل اذا كانت الحلول كثيره
وبا النسبه لسالفة الزام رجل العايله الاول واذا كان لايستطيع
وبا النسبه لرفضك انها من علمانين اقول لك شي نحن كامسلمين نركب سيارت صنعها كفار ليش ماقلت ما ابي السياره ومثله الجوال والدش والبيجر على زمانه
لا والمكيف والكهرب والانترنت كلها افكار كفار وحنا ماعلينا من العلمانين نحن نريد حل لمشاكل لا يعلم بها الا الله
واخرها سالفة الرجل الشهم اللي با الرياض و للي قام بإنقاذ البنت الصيغيره من البنقالي خطفها قدام امها تخيل الموقف لولا ذلك الرجل الشجاع وقليل امثال هذا الرجل
لكانت الام تنوح ليلاً ونهاراً........................وكم من المصايب وعندي من القصص ما يقشعر البدن منها
(ولهذا ارفض سواقة المرأة لو فيها نسبة نجاح تتعدى المليون بالميه !!)
ليش ترفض اذا نسبة النجاح كما ذكرت
العلمانيون يريدون فصل الدين عن الحياه او السياسه ويريدون ان نكون مثل الغرب انفتاحيين
ويريدون مراقص بكل مكان وحريه مطلقه
لكن نحن مسلمين ونعي لما يصبون اليه
ونحن ولله الحمد مترسخه بجذورنا هداية الاسلام ولا نقبل بذلك
(ليه المجتمع صار عنده عادي البنت تخرج بسواق )لان المجتمع اصبح امام الخيار الصعب واللي ماكان يعرف بنتيجة اختياره
ولو اختار من زمان قيادة المراه كان ماطاح الفاس با الراس
وشاكر لك تفاعلك الجميل
وختـاما المعذره على الاطاله .............والمعذره ان وجد خطا املائي
تحياتي للجميع وتمنى ان ارى من الجميع محاولة اقناعي لاني لم اقتنع الى الان
صــــوت الحــــزن