أنا الغريق اللي غـرق وسـط دنيـاه = ومن لوعة الأيـام شفـت العجايـب
أمشي فوسط الناس وأشكي مـن الآه = أحمل هموم الوقـت ويـا المصايـب
لا قال ... باكر تنفـرج زاد بالـواه = والكـل عنـه راح حتـى القرايـب
كل تخلى عنـه فـي وقـت مأسـاه = حتى القريب اليـوم شـد الركايـب
والوقت روح والليل ما أطول مسراه = والراس من كثر العنى صار شايـب
الكل في وقت الرخـاء يمـد يمنـاه = وإن جاك وقت الضيق فالكل غايـب
والحمل تعبني وأنا اليوم مـا أقـواه = ومن كبر همي طحت وسط اللهايـب
يا لله ... ياللـي كـل خلقـه ترجـاه = يا باعث ... من كان تحت الترايـب
ياحي ... يامعبود ... يا صاحب الجاه = تغفر لمن هو صـار وقتـه غرايـب