من سـأل عن غـيابي ومن فـقدني فديته

لو... خذتني ظروفي جيت كلي حضوور

**
كيف حال القصيد وكيف ورد(ن) ضميته

ومنو.. اللي كتب بعدي سطور وسطور

**
ياترى ...الشعر يهـواني كـثر ماهـويته

وياترى اوفيت لحروفه بصدق الشعور

**
ايه.. هذا يقيني وكل حرف(ن) عطيته

اصدق.. البوح من قلبي بكل الأموور

**
كم نثرني على بيض الورق ماحتويته

وكم كتبني بلحظات الحزن والسرور

**
اعذب.. .الشعر قالوا اكذبه لا قريته

لا وربي... ومن قـاله مهو بمعذوور

**
الصدق روح في نـظم القـصيده وبيته

لا خـلت منه كـنه غصن ماله جذوور

**
يوووه قمت اتفلسف والخلاصه نسيته

لشعر ..عـشق يغريني لشم الزهوور

**
بس اللحـين باسأل من فـقدني فديته

آآآه قلبي دليلي قال مسك الحضوور