قصيدتينـ بشكلـ محاورهـ ~
بينـ خلفـ المشعانـ و فيصلـ الطوالهـ بعد خروج الاآخير منـ منافساآتـ شاآعر اآلمليونـ ~

نقلتهاآ كما هيـ ,
آامل أنـ ترتقيـ للذاآئقهـ ~




أولـ~ـهماآ
قصيدة خلفـ المشعاآنـ ~ بعنوانـ ( بسوسـ العصر ) !




لنك ( قريب ) من التألق والابداع
صرت البعيد من ( الـ قريب ) <- امعكوسه

تستبعد بحكم ( الأئمه ) بالاجماع
لن الأئمه ~ بالذنوب , مغموســه

كف الشعر تشحذبها ( خمسة اصباع )
وراعي الفلوس يقدمنه ~ فلوسه

صارت قبايلنا ~ ضحيه للاطمـاع
وهذا الزمن ( معروف منهي ) بسوسه

مايزعلك ( يا فيصل ) الحق لاضاع
يزعلك ليه الناس منك ~ محموسه

ماكن ربي خالقٍ فيهم ~ اسماع
يوم القصيد العذب دنت هجـوسه

يعني لأنا نرفــض نكون أتباع
وجه الزمن يعلن علينا عبوســه

والا لأن صدورنا دايم وســاع
صارت يديهم بالحلوق ~ مغروسه

لا والله الا نضيق ونضيّق القاع
والضرس يخلع لاعثت فيه ~ سوسه

ما يقدرون اقناعنا نلبس اقناع
لن اللحى حدر القناع ~ مهلوســه

ان كانها بالباع ، حنا هل الباع
نشعل فتيل الحرب دحه , و هوسه

اطلق سراح اللي تقرقع بالاضلاع
أبطت شياهــين القصيد ، محبوسه

خبري بك انك ماتزعزع وترتاع
وبنات فكرك ماضرت للعنوسـه

قم بدل اوضاع الجماهير باوضاع
الشعر مثلك مايدور ~ طقـوسه

لنك قريب من التألق والابداع
تبقى لجماهيرك ( ق ر ي ب ) امعكوسه




والاآخـ~ـرى ,
رد فيصلـ ~
قصيدة عنونهاآ بعنواآنـ ( نعلـ العراآقيـ ) !




مثل البحر باالضبط , فضاءك شراع
يقوس فكرك , ماعجزنا نقوسه

ياسبع ( يامجندل من خصومك ) سباع
من سيرتك ( بعض القلوب ) مْهَروسه

دكتور من في راسه المغلق صداع
عندك ( دُهاة الشعر ) تبتاع كوسه !

أسد , ولامن حولك تزمجر ضباع
وأطلق ( ضباع الشرق الأوسط ) تحوسه !

فينا شبه , وإن إختلفنا باالأطباع
نرفض حما العز , المذلة تدوسه .!

للمبدعين , أمثالك أجيب , وأنصاع
وشطارة الجرّاح , من وقع موسه

وألا القبايل ( يا خلف ) شركة إقطاع
( ومقامر الأزلام ) حنا مْكُوسه .!

تاريخنا الحافل ( خيانات , وصراع )
رواته ( أشباه الرجال , البلُوسه ) .!

تسيدوا ( حضارة العصر ) صنّاع
( وتصحُّر الأعراب ) سبت طعوسه .!

أسمائنا / تُشرى على شان ننباع
وطرشان زفتنا ( عيال العروسه ) .!

لاتعلّم الملتاع , وشلون يلتاع
( زفرات فكري ) يااللبيب , محسوسه .!

تطلبني الفزعة , وأنا أحتاج فزّاع
في مجتمع ( أذنابه اليوم روسه ) .!

شبعان مثلك , وأكثر العالم جياع
والفقر ( تطحن مجتمعنا ) ضروسه .!

نبقى رغم ( دونيّة الساحة ) ارفاع
لو إن وقوف الحظ , سبّت جلوسه .!

( ونعل العراقي ) تعتبر , طولة ذراع
ويستاهل ( الخشم الأبي ) من يبوسه .!




وسلامة قلوبهمـ وقلوبكمـ ,


~!