تلم الورد في يديك وتشمـه=وإنا صدرك اشمه ياعبيـرك
تجي يمي واجي يمك والمه=غلاك ويجتمع فيني نثيـرك
احط الكف في كفك واضمه=وابوس أيدك ظمى واشرب غديرك
انا مجنون بك مهبول سمه=بعقله كان من أول بغيرك
تشوفين البدر ماحلاه قمه=تراك احلى بدر طلعت سفيرك
وتشوفين السماء وشلون غمه=ترى جوك صفى مابه يثيرك
جفيتي ليه مانتي الي مهمه=ياعتم اليل غيري من ينيرك
أبي حبل الوصل منك ونمه=كفى برد الجفاء مدي بخيرك
ترى طول الجفاء معدوم ذمه=وجود الوصل عاد إنت وضميرك
تعالي ضمي العاشق بضمه=غنيت عشق ضمي لك فقيرك
تعبت أشتاق لكن كيف أتمه=حبيس الحب لجل إني أثيرك
أنا أرجوك ردي زاد همه=طلال أضناه بعدك زد هجيرك