البارحه وانا اتنقل بمحمول=قريت هملول ن اسرني روافه
ناظرت تاريخه ولقيته قبل حول=وبعدها غادر ولا حد شافه
وما بقى الا ذكريات لمجهول=واللي استلم نبض القوفي صلافه
تبوا الصراحه كاسين حالي ذهول=من شي شفته كل عاقل يعافه
ولبس الحداد يعم والناس بتقول=لكل ناقد وينكم ياحسافه
لبس الحداد يعم والناس بتقول=لكل سارق ليش هذا الكلافه
ولبس الحداد يعم والناس بتقول=لكل ناشر غض طرفه وطافه
ليش المواهب تندفن مين مسئول=ليش القصائد حولوها صرافه
الشعر غايب بين ناقض ومفتول=وقامت سراديق العزاء في سخافه
قالوا انتحر لا لا قسم مات مقتول=بين التخفي وفي حضور الصحافه
حتى القضية قيدت ضد مجهول=والجاني عايش مابه شي ن يخافه
الشعر مات وصار بالنعش محمول=والذيب خايف من مناطح خرافه
تاهت طروقه بين فاعل ومفعول=نوعه وبحره غير وزنه وقافه
الشعر له ناسه وله عذب هملول=يحيي قلوب روحها في كيافه
الشعريظهر ما ورى الحرف مهمول=يحكي لنا فنه بزود احترافه
الشعر يالبا مواويله الحول=نرمي بها رجم ن ونقصد هذافه
الشعر مثل الطير ماينزل اوحول=الشعر قرناس تعلا نيافه
هيا تعالوا نعلن الحرب ونصول=ونعيد مجد ن ماتثلم سيافه
يمكن تقولوا بوح هاليوم مخبول=عادي وقول بعد زايد لقافه

حين الأمين يخون معنى الأمانه=لا خير في حملٍ بالأمتان شاله