منتديات بعد حيي - عرض مشاركة واحدة

معرض الوسام · 09-02-2009, 11:20 PM

ياليت تدري وش كثر ماني اغليك
وربي اشـوف الكون ضـيق بـدونك
يلي غرست من الغلا بذرةٍ فيك
واسـقيتها من عـذب صـافي مزونك
متى تجي تسبقك يمي خطاويك
تعــال واخـذل كـل من يعـذلونــك
تراني اقضي هالعمر في حراويك
وكـل امنياتي تنحصر في شجونك
وافرح من الأعماق لأوحيت طاريك
واستمتع بلحـظـات نظرة عيونـك
مشتاق لك بلحيل ون قلت وشفيك
واطـرب لصـوتك واسـتمعها لحونك
طالع لقلبي شوف هاذي سوانيك
تغـرف مشـاعـر صـادقـه ماتخـونك
وتسقي رياض ممحله في محانيك
وتـبل مـن عـذبٍ أزلالٍ اشـنـونـك
طالع عيوني شوف هاذي موانيك
رسـى عـليها الشـوق يطـلبك عـونك
لاتخذله وانت الوفاء من مباديك
وابشـر بعـزك مـن حـبيبٍ يصـونك
ان جاد بك حظه وزانت مساريك
جـند لك جـيوش الغـلا يحـرسـونك
خذ صدري انجاك الطفش هويسليك
ولا الفرح دايم عـسـى في ردونـك

منقول