معليش اذا كان شاركت ثاني مره في نفس الموضوع بس بعد قراءة بعض الردود والمشاركات اللي تدعم حضور الأطفال حبيت اوضح اني نهائيا مع حضور الأطفال
والسبب مثل ماذكروا اكثر الاخوان لكن انا حابب اسال سوال لمن يؤيد اصطحاب الاطفال سوال واحد ؟؟؟

هل الحين يامن حضرتي إلى صالة الحفل ومعك سواء طفل واحد أو خمسة هل راح تمسكينهم طول الحفلة ؟؟؟؟؟؟

ولا تخلينهم يلعبون في الكوشة والورد والطاولات والكراسي يوووه سالم ان شاالله معليش سحب فرشة الطاولة وانكسرت الأشياء اللي كانت على الطاولة من زينة
وكاسات وغيرها طبعا المعرس هو الضحية اخر الحفلة بس مااحد فكر ؟؟؟؟؟؟
زفوا المعرس وين الكيكة ؟؟ افا والله معليه خيرها في غيرها ولد فلانة وعيال فلانه سحبوا الكيكة وطرحوها ابشر في العوض يالمعرس ؟؟؟؟؟
من غير الصياح الله لا يبلانا وتنتيف الورود واللعب في الحلويات وغيره وغيره ؟؟ وامه جالسه تاكل علكة وتتفرج والعيال هايتين كانها ماتشوفهم أصلا مادرت عنهم
بعدين يهون يمكن هذوول اهل المعرس واهل العرووسه واقاربهم لكن والله ربع المعازيم معزومين عزيمة رسمية ومعارف من بعيد كيف راح يكون الحفل في نظرهم ؟

أشياء كثيرة اخواني الكرام تخليك تقول نوما هنيئا للأطفال

وأما في أحد ردود الإخوان ليش ماتخليهم يفرحون وحنا من اول كنا أطفال ونروح الحفلات ونستانس وكذا

كلامك صحيح إخوي الكريم لكن هذاك في وقتنا غير وقتنا الحالي من أول حفلات الزواج وين كان أكثرها ؟؟؟
والله في البيوت في الساحات الفاضية أنا اتذكر أعراس وانا صغير كان العرس في البر !!!!!

أما الحين تغير الوضع بكثيررررررررررر الصالة لحالها بكم ألف وألف والكوشة والكاسات والزينة بكم ألف وألف
وكل شي بحسابة وأنت ماشي ياالله ياالله قدرت عليها وتخيل أخر شي وانا في الفندق توني بدخل مع مرتي ؟؟؟؟

ألو : هلا فهد كيف حالك معليش بس تراصاحب الصالة طالب عشرة الاف تعويض عن التلفيات اللي حصلت في الصالة !!!

لا حول ولا قوة إلا باالله


وتقبلوا مروري للمرة الثانية

وأشكركم وأشكر صاحبة الموضوع المميز بصراحه