×× تمنيتك معي البارح ××
تمنيتك معي البارح على جال الغلا والشوق
ابفرش لك ورود الحب وانت انثـر لـي ورودك
حبيبي وش بلا حـالـكـ تـغـيـر ياحـلـي الــذوق
اشوف الكون في عيني عذاب عانق صــدودك
حبيبي كل ماتنظـر تلاقي نـزفـي الـمـحــروق
رسم لك في السما صوره تبروز بالغلا حدودك
حبيبي ماقدر اتحمل يجيني في هواك عقوق
وانا والله لـو تـدري تـرى مـالاق لـي نـــودك
حبيبـي مـن رحـلـت وكـل هــمٍ عـلـي يـســوق
رياح الحزن تعصف بي وتدفن باقي وعــودك
حبيبي وان طرى حبك رفعت الراس فوق لفوق
احاسيسـي تـمــوت اليا نـويـت بتنحــر ودودك
احبك كثر مايكتب على بيض الورق طاروق
واحبك حب ماحبـه ولا واحـد مـن جــــدودك
انا اللي ارخص الغالي اذا شفته عليك يلوق
وانا لولاي اخاف الله كان اصبحت معبـودك
انا اللي لو كتبت اللي بقلبي لك بدمع الموق
على صدر الورق تسمع حنين الروح لرعودك
دخيلك لاتعذبني وانا لـكـ فـي سمــاي بــروق
دخيلك الـطـف بحالـي تـراني طـامـع بـجــودك
عطيني باقي سنينك بقـهـويـكـ الــغــلا بـرفــوق
ابـسنـد راسـي لصدرك واحـط ايـدي على خـدودك
وابشرب من شفاتك شرب واطوقك بيديني طوق
ونعيش بعالم ثانـي ونـفـــرح لـحـظــة وجـــودك
اخاف الـوقـت يسرقنا ويـذبـل حـلـمـنـا ياشــوق
وتنشف دمعتي بجفني وانا انطـر لحـظـة ردودك
حبيبي لاتخليني على جــال الغــلا والـشـــوق
افـرش لك ورود الحـب وانت تحرقني بـبــرودك
000000000000
وسلامتكم
اتمنا اكون وفقت بالاختيار وعدم التكرار
وللامـ منقووول ــانـه