:
اسالك بـ الله جاوب .. من تركتيني عشانه
بعد ماضحيـت دنيـا .. تتركيني في ثواني !!
رحلتك هذي غريبه : اقدر اوصفهـا خيانه
قبل ماتنطق بـ كلمه حط نفسك في مكانـي
جيت من اقصاي احبك ومالقيت الا الاهانــه
وكل مااهديتك قصيده تصفقين لـ شخص ثاني
دوك جرحي شق صدري مابقا بـ القلب خانه
مو حرام ثنين ضدي انت واقف مع زمـانـي
ماقبلت الجرح منك الا من باب : الميانه
قلت لك مليون مره خفف اوجاعي عشاني
مادريت الحب كذبه والغدر عندك <~ ديانـه
لين ماحبيت غيري وقلبي من بعدك يعاني
ماطلبت الحب منه لين ناداني بـ لسانـه
وماتركته لين ماتت اخر حروفه بـ لساني
لو لمحت غروب شمسي لاتسميها جبانـه
طيحة الشاطر سريعه والخطا <~ زلة حصاني
علموه اني نسيته لو : يبصم لي بنانــه
ماعلى مثله ملامه وانسى منهو قد نساني
انتهى المشوار بسك : اتركي قلبي وشانه
مابي لـ جرحك اعاده مامضا منك كفانـي
اعطني حريتي اطلق يدايه لاتلبسني ادانـه
انني ضحيت لـ اجلك وانت بـ افعالك اناني
طيحتي وقفة معزه والجسم خان اتزانـه
لو رياح الغدر هبت ماشكيت ضعف اتزاني
راح احب انسان غيرك ماتوقف في مكانه
اشترى حبي وطيبي وقدر اشواقي وحناني
خنتني وان خنت عادي : بيني وبينك ميانه
لاتقـٌرب صوب حبي ولاتزاحمني بـ مكاني !!
والغريب شلون ياخي " تغـار " في عز الخيانه
ومن غباءك ياعزيزي تنادي فيني ( بـ اسم ثاني !!
:
ممآ رآق لــ نائبة القمر