تكتبني حروف ٍ على مي ذكراك
واكتبك حرف ٍ فوق صخر القوافي
وردتني في نهرك اشربك وارواك
وزرعتني ورده بذيك الفيافي
تعال شفني كيف ابذبل بلياك
شفني تلاعب بي الرياح السوافي
عيت عيوني لاتناسى محياك
وقلبي حزين ٍ لو يقول متعافي
شفايدة عمر ٍ اعيشه بلياك
شفايدة حبك إذا كان خافي
ارجع ترى ماعادني حيل رجواك
وإن كان مانتب راجع ٍ قول كافي
وافرج عن القلب الذي عاف سلواك
ليته صخر مثل الجبال النوافي
واعلن وفاة الحب في يوم فرقاك
غريق لونه على السطح طافي
والغيره اللي داخل القلب لولاك
ماستسعرت حتى غدا الشوق دافي
انت الذي شعلة غرامي بيمناك
اما تغدي نور ٍ او القى حتافي
بودعك وانا على شوق لقياك
واشيل لك حب ٍ مدى الوقت صافي
ماخالطه كره ٍ إذا حل طرياك
يبيك لو كل العرب لك تجافي