أرى بعيونك النجلا كآبه
دخيل الله قل لي وش سببها
أرى فيها كثير من الغرابه
أنا أرجوك لايذبل هدبها
هدب عينك ترى كلا حكى به
جريمه بحق عينك ترتكبها
جل منهو خالقه حيل أعتنى به
وألعذارى كلها تغار بسببها
ماعرف للمسكره كله مهابه
والمكاحل ماعرفها ولا قربها
حبيبي نضرتك تكتب كتابه
ألا سبحان ربٍ لك وهبها
ألا ياليت لو أنك قرابه
أو أجدادك معي يرجع نسبها
عليك أغار لاقالوا هلا به
اذن وشلون لو أحدا طلبها
صحيح بهالبشر ناسٍ تشابه
وماحد شابه عيونك او غلبها
ألا عزي لقلبي وآعذابه
عجب هالكون كله في عجبها
لها أعلنت حبي غير آبه
وعجايب قدرة الله في هدبها