رداً ع شيخ المافيا..
محد قال سووا انقلاب ع الحكومه واعصوا الولاة بس الهدف الاساسي اولا واخيرا بأننا قاعدين نؤمن بكل شي يقولونه الشيوخ وكأنهم ملائكه وكلامهم منزل من السماء..وكل شي لازم نرجع لشيوخنا وحتى لو هو واضح وسار الكل يسأل بأسئلة غبيه ينتضر الفتوى زي اللي يسأل عن حكم الميكي ماوس ورد عليه المنجد وقال أن الفأر نجس يقتل في الحل والحرم , والميكي ماوس فأر . لذا يجب قتله في الحل والحرم !
وانتشرت هذي الفتوى بوسائل الاعلام العالميه وظهرت بالcnnوسار يلقب الحين بشيخ الميكي ماوس والفضيحه سارت عالمية..والشيخ الثاني بما معناه يقول انو قناة الرسالة حرام اخطر من قناة روتانا وتابعوا قناة المجد والبدايه.. يعني الاغاني والرقص سارت اخطر من قناة الرساله الدينيه؟! وطاش ماطاش حرام وسار كل شي ما يعجبهم حرام.. يعني حتى القنوات ما نتابعها الا اذا سمحوا لنا؟؟
(أجرأكم على الفتوى أجرأكم على النار)
المشكله نستهزئ بالشيعه بأنهم يتبعون أئمتهم من غير تفكير حتى لو قالوا لهم طيحوا بالنار طاحوا..احنا سرنا زيهم
يعني الحلال بين والحرام بين ليش ندخل متاهات مالها اول ولا تالي والمشكله والمصيبه العظمى سار أي أحد يفتي حتى امام المسجد يفتي الناس ع كيفه..اللي مطلع فتوى ان البلاك بيري حرام لانك لو عكستها بتقول يارب كلب ..أساساً كيف تجرأ وقال كلمه دنيئه عن الله وكمان برب سارت حرام لان الكفار يستخدمونها استهزاء بقل اعوذ برب الناس وكأن العالم يعرفون عربي وحافظين القرآن وماهمهم غير المسلمين..
مره من المرات كنا نتكلم عن الاسلام أنا وسائح ألماني بمصر ولقينا بائع مسن وبراسه علامة السجده جاء له الالماني وكا بيشتري وهو عارف السعر من اول الموهم الشايب اللي مربي دقن غشه وضحك عليه وبعدين قال لي الألماني هذا هو الاسلام..وأشر ع العلامه اللي ع جبهة البياع لانو يعرف انو هذي العلامه تدل ع السجود الكثير .
الحين اي واحد مالقى وظيفه قام ربىاللحيه وقصر الثوب ودخل الهيئة وحتى لو كان اكبر داشر..فيه واحد كان عاطل عن العمل وضايع وما يعرف الدين والاحرى حق مخدرات نصحه صاحبه يدخل الهيئه وفعلا قصر الثوب وربى الدقن وجمع كم من قرش واشترى بيت وسيارة وتزوج وسافر كلها بإسم الدين وآخرتها حلق الدقن وسألوه ليش؟؟ قال تزوجت واشتريت سياره وسافرت وكل اللي ابغاه سويته وحصلت عليه..كل هذا بإسم الدين ..
ليش رسيفر قناة المجد يعتبر أغلى رسيفر؟؟ ليش حلقات التحفيظ تدفع فيها فلوس عشان تدرس فيها؟؟مو هذول يبغون الاجر؟!
جارنا مطوع ومربي الدقن ومقصر الثوب ولا صلاة يتركها بالمسجد آخرتها يأذي جاره؟!مو الرسول وصى بسابع جار؟! ..الناس ما حتصدق لانه مطوع.
صديقتي ابوها إمام مسجد وحتى صلاة آخر الليل يصليها وآخرتها يتحرش ببناته ويعامل زوجاته وبناته أسوأ معامله..الناس ما حتصدق لانه مطوع..
نزل قرار بالمحكمه بمعاقبة المتحرشين بالنساء بالعمل ومنعوه الشيوخ وقالوا هذا يسمح للمرأه بالعمل مع الرجال ومدعاة للاختلاط والاختلاط حرام..طيب اذا وحده اضطرت وعملت بشركه وتحرش بها مديرها بالعمل تسكت؟! لان الشيوخ منعوا القرار؟!
الحين الواحد لوقلت الشيخ الفلاني يقول : فلان حفروا قبره وكل ماحفروا له قبر يطلع وحش بيصدق , ولو قلت له ان هذا الشيخ اللي قال هالكلام كذاب ما حيصدق..
زي الدكتور اللي يقول عن نفسه انو دكتور الشيخ عبدالمحسن الاحمد والخرافات اللي مالها أول ولا تالي اللي العقل مايقبلها ولا المنطق والناس مصدقينه ..فضيحته معروفه عند الدكاتره بالمستشفى العسكري بالرياض.