يالله يا والي على كل والــــي =ياخير من يدعى لكشف الجليلـــه

المالك المعبود محصي الرمالــي =الكون والدنيا وما به فهي لــــه

ما كان له أول وما كان تالـــي =ملكه يدبر به على ما يبي لــــه

يقضي ويمضي قادرٍ ما يبالــي =والخلق ما تفعل بلا امره فعيلــه

ماله شريك جل فوق متعالــي =علمه أحاط بدقها والجليـــــه

أشهد فلا غيره آله ولا لــــي =ربٍ سواه أخشاه وأرجي النيلــه

ياواحدٍ فوق السموات عالـــي =من سطوته كل الخلايق ذليلـــه

يا فارج الشدة بضيق الحوالـي =افرج لعبدك يامنجي خليلــــه

وانظر بعينك يا آلهي الحالـي =فردٍ غريبٍ والمصاغي قليلـــه

وحيد مالي غير ظلك أظلالـــي =ذليل مالي غير عزك وسيلـــه




اللي مايعرفك مايثمنك


افا افا افا يابعد حيي