ويقولوا إن الزين بس للصبايــا
حكي الجياكر صدق مأخوذ خيره
عندي حبيب فيه كل المزايا
فوق الشهامة أشهد إنه دميره
له ضحكة تسوي سواة وسوايا
و رزة عقال ماهي لحــد غيـــــــره
وغمازيتين هناك صوب الشفايا
و نظرات عين يالخلايق خطيرة
ودي أشوفه كل لحظة معايا
عيني بصيرة بس اليد قصيرة
صرت ألمحه في عين كل الزوايا
وأموت لاجا ذكره بأي سيرة
أترك عشانه كل عمري ورايا
وأبني له بوسط الحشا ألف ديرة
سبحان من خلى الحسن فيه آيه
قلبي هواه ومدري وش هو مصيره
من يوم شفته الوصل صار غاية
ورسمت في لحظة أماني كثيرة
وأظن إني تناسيت كل البلايا
وعيوبه صارت في عيوني صغيرة
كحيان و منتف قليل العطايا
مير أشعر بظله كني أميرة
يرمي سهام العشق أحسن رماية
و ينيشن قليبي وينثر عبيره
كم مرة يحلف ماله سوايا
ولاجا يناديني ينادي سميـره
لكن أحبه يا بلاه وبلايا
وأبقى أتحمل سلبيات كثيـرة
لأني وهبته الروح وأجمل هدايا
حبي مع إخلاص على شوية غيّـره
وصرت أعذره و أهيم به في عمايا
وأقول يرجع لي ويعقل مسيــره
جنن قلوب الناس و أحلى الصبايا...
وعذب لي قليبي ملعوووووون خيـره ...!!
لــك يــا بــعــد حــيــي
، بــيــضــاء