بسم الله الرحمن الرحيم


.. الـصــبر ضـاق وكـل هاجــوس غــنـى ..

.. والموت قــرب والمـوارد قــلـيــلـه ..

.. يبــعث صراخ الصوت يـطلب مطــنـى ..

.. يرجع عليـه الصـوت يـسحب خليـلــه ..

.. ريــان يـأبـن العـم زبــن المعــنــى ..

.. تقـلــط على الدسمـه وخـص النبيله ..

.. مـربى منـيـف وكـلمته ماتـثنــى ..

.. سوامـت العـلـيـا وراع الثقيــلـه ..

.. ريـان بعـد الأب والأم مــنــى ..

.. يقــطع عروق القلـب يحرق فتيله ..

.. الـهـم يـاريـان أبـعـده عــنــى ..

.. أقــرب وخــل الليـل يرخي جديله ..

.. موتي بـذاك الظبي غنج(ن) فتنـى ..

.. عنقـاء ذبـول مـن المهار الأصيـله ..

.. قرب لي .... بحـرقــه كــنـــى ..

.. لــين الوريد يـطيـح منهد حيلـه ..

.. مالي بوصف الـزين طبل(ن) وفنـى ..

.. ماغــيــر ذاك الوجـه ربي دخــيـله ..

.. ريان مـوتي خصـلـها لا تـدنــى ..

.. يسقي هشاش القلب وأخر حصيله ..

.. ريـان بلغ خـاطـري يـرجـهــنـى ..

.. لـشلع صميـم القلب وأجلب بديله ..

.. ريـان حـضرت شاعرك مـاتهـنـى ..

.. غــربـه وتــرحـال ومـواجع طويـله ..

.. تذكر زمان(ن) قد مضى كيف كـنـى ..

.. نلعـب ولانـدري وش المسـتحيـله ..

.. واليـوم محـكموم الزمن صار صـنى ..

.. مشروع مـية والأمـانـي قـبيـلـه ..

.. جـتـك الحروف وخالـطه ريـح بـنـى ..

.. تبــعث حنـيـن الـروح يأبن الفضيلـه ..