الموضوع: ███◄|[ كيف تصبح مصمم فوتوشوب متميز ]|►███
عرض مشاركة واحدة
قديم 04-21-2010, 05:59 AM   #1

الصورة الرمزية مزٱجـے
مزٱجـے غير متصل

بيانات اضافيه [ + ]
 رقم العضوية : 13682
 تاريخ التسجيل :  May 2009
 أخر زيارة : 05-23-2013 (05:29 AM)
 المشاركات : 8,164 [ + ]
 التقييم :  50
لوني المفضل : Cadetblue
███◄|[ كيف تصبح مصمم فوتوشوب متميز ]|►███


بسم الله الرحمن الرحيم

//

اليوم جاي بنصايح للحلوين في القسم اتمنى انها

تفيدكم و و اتمنى انكم تركزوا عليها


.×.××.××.×.

كيف تصبح مصمم فوتوشوب متميز ؟

.×.××.××.×.

أول شي يا حلوين المصمم لازم يكون عندو خيال واسع ومنطقي

وركزو على كلمة منطقي كثير يعني مو يجيني واحد الكلمات اللي

كاتبها في التصميم ( يالتاكسي خذني لها ... الخ ) و الصورة تكون

صورة طفل يبكي و لا صورة واحد مطعون من ظهرو يعني ما تجي

.×.××.××.×.

ثاني شي المصمم فينا عشان يكون تصميمو متميز لا يكثر فيه الكلام

و يحط 56484894798 نوع من انواع الخط يعني يفضل انه يكون

كلمة لوحدها كبيرة بخط و سطر بعدو بخط اخر اللي يحس نفسوا يتهور

يطبق هذي الطريقة و راح يشوف انه تصميم رايق و احلى بكثير

.×.××.××.×.

ثالث شي الاحظ على البعض انه يكتب خط او يحط صورة و يستخدم عليها

جميع انواع الفلاتر الاصلية تبع الفوتوشوب و الاي كاندي . . . الخ

يا جماعة ترى الفلاتر مثل ما لها دور في انجاح التصميم لها دور في افشالو

اذا كثر و الملح اذا زاد في الاكل ماحد يقدر ياكلوا الفلاتر زي كده حتى الفرش

كلها اضافات اتمنى انكم تستغلوها استغلال جيد و لصالح تصميمكم

.×.××.××.×.

رابع شي المقاس بعض الاخوان يسوون تصميم احس انه بيركبها لوحة

لمحل او دعاية في الشوارع يا حلوين اللي يبغا يتهور لا يزيد مقاس

تصميموا عن 450 ×450 بكسل هذا اقصى حد عشان يطلع العرض حلو

و كل ما صغر التصميم كل ما كان أحلى بكثير

.×.××.××.×.


خامس شي يا حلوين و اللي انا ملاحظو كثير في القسم اللي هيا المجاملات

يجي واحد حاط صورة و كتب فوقها اسموا و يجي العضو بعدو تلاقيه طاير

و يكتب يا سلام يخقق يهبل يجنن يدوخ بصراحه عذبني التصميم ابداااااااااع

و طبعا صاحب التصميم لما يشوف ردودو ويكون عارف انه تصميمو بيــض

راح ينحرج لما يشوف تصميم من نفس العضو اللي رد عليه حتى لو كان بايخ

راح يردعليه بنفس الطريقة و حلو و يهبل و يعذب و يجيب المرض .. الخ

بهذي الطريقة ماحد حيتطور بالعكس حنفضل زي ما احنا عشان كده مافي احلى

من النقد الهادف يا حلوين مو يجي واحد ينتقد يقول تصميم بايخ و يسلموا

لا ده مو انتقاد ده تحطيم معنوي و نفسي و ارستقراطي و سايكلوجي خطير << فلسفة

عن جد يعني اتعاونو مع بعض يا حلوين عشان كلكم تتطورو


.×.××.××.×.

سادس شي و اللي انا دين امي يطلع منو اللي هوا السرقة ليش نسرق

و احنا نعرف نستخدم الفوتوشوب ياخي جرب حاول مرة مرتين ثلاثة

راح تبدع و تتفنن و في ناس مصممة و مبدعة في التصميم بس اذا شاف

شي حلو راح طمس الاسم و حط اسموا عليه ياخي انت قبل ما تسرق

تستحقر نفسك بهذي الطريقة يعني تكون مصمم مبدع و تروح تسرق تعب

الاخرين ياخي ليه ما تصمم واحد احسن منو ما تعرف اتعلم ابحث

عن الدروس طور نفسك و قبل كل شي خليك واثق في نفسك

.×.××.××.×.

اخيرا يا حلوين انا عن جد فخور بالقسم و بالاعضاء اللي يشاركو معانا

و لعلمكم انا متابعكم يوميا و عارف مستوى كل واحد في التصميم

حتى ان ما رديت عليكم في كل تصاميمكم لكثرة المواضيع اللي تنزل يوميا

و اي مشكلة اي استفسار عندكم قسم الاستفسارات و اي مضايقة من اي شخص

عندكم رسائلي الخاصة مفتوحة لكم جميعا ... و حياكم في قسمكم يا حلوين

.×.××.××.×.






كلمات البحث

مواضيع اسلامية، مواضيع عامة، قصائد، هاكات ، استايلات


 
توقيع : مزٱجـے


رد مع اقتباس