لا لا تقول اكتب عن الحب والشوق=
ماعاد لي في عالم الحـب حاجـه
من يوم شفت العز ياصاح مشنوق=
وأكبر شنب فينا يزيـد احتجاجـه
لا لا تقول اسكت ترى الدم محروق=
شاعر وترديـد القصايـد علاجـه
ياصاحبي مافيه بالكـون مخلـوق=
إلا إليـا ضاقـت يـدور خراجـه
ياصاحبي عدونـا يسوقنـا سـوق=
وحنـا نـدور مايهـدي مـزاجـه
ياصاحبي كم ضاعت حقوق وحقوق=
ومازال فينا من يطيـع الخواجـه
وتصدق ان ماعاد ياصاحبـي ذوق=
نبـرر الذلـه بحمـق وسمـاجـه
متى على الله تنتهي شلـة البـوق=
والمسجد الأقصى يولـع سراجـه
لوحاول الأعلام يرقى بهـم فـوق=
تبيـن أكتـوف الرخـم بالمواجـه
وتبيني أنسى الوضع وأغني بشوق=
ماعاد لي في عالم الشـوق حاجـه