ألا يألي لك بصدري غلا بين الظلـوع يحـوم
ولك حشمة وفاء تفرق عن العالم وحشمتهـا
ولك في نون عيني صورةٍ حيه وأثر ورسـوم
لو أعمى من سببها ماتمـل العيـن شوفتهـا
ولك في تجربة ذاتي نصيب وقسمك المقسـوم
بيوتٍ مـن قراهـا ماطـوى للـذم صفحتهـا
بعد دار الزمان وسقت ركبـك للرحيـل اليـوم
وحلـت ظلمـة الفرقـا وظيقتهـا وحسرتهـا
أشوفك يوم جيت أوادعـك متنكـد ومهمـوم
وعينك مابقى ألا تختفي فـي مـوج عبرتهـا
توادعني وتوقف وقفة ألـي بالجفـا متهـوم
ظميرك ماتريّـح والظنـون أشبعـت رغبتهـا
تحاول تعتـذر منّـي وكنّـك بالعـذر ملـزوم
تحملـت الخطايـا والخطايـا مأنـت سبتهـا
ياويلي عنك من قلبك !! تعذر وانته المظلـوم؟
ظلمك الوقت واحلامك سـراب التيـه شتتهـا
لاوالله لاتعذر روح أنت مـن الخطـا محشـوم
أنـا طالبـك عينـك لاتكـرر فـيّ نظرتهـا
تريّح وأشعب ركابك عزيـز ولاقفـاك اللـوم
معزتـك القديمـة وقفتـك محتـار زادتـهـا
فديتك لاتحيّر عانـق دروب الفـراق وشـوم
عن ألي ماحمل في صدرة الشرهه وسيرتهـا
أنا مالي عتب فألي حصل دام القـدر محتـوم
ولاشككت في نفـسٍ رسـت فينـي محبتهـا
وذا قصدك دموعي!! فالهوى مال المحب عزوم
لو إنه فالوغا كفه تهـش المـزن سطوتهـا
وش اصعب من فراقك؟ لاتواخذني يمين الصوم
لو أحبس دمعتي غصبا عن عيونـي تباغتهـا
خلاص أرجوك روّح في طريقك واترك المحروم
يعيش العمـر ليـن النفـس تاخذهـا منيتهـا
خلاص أرجوك روّح لاتقف ترمي علي همـوم
تراني مـا أتحمـل نظـرة عيونـك ودمعتهـا
تنصى غربتك وأبحث عن أفراحك وأنا بأقـوم
أدور عـن حيـاةٍ ثانيـة واعيـش فرحتهـا
عسى دربك يغطيه النفل والشيـح واليشمـوم
فراقـك صعـب لكـن المحبـة ذي نهايتهـا
قسم بالله ماعمري بكيـت المقفـي ألا اليـوم
بعد شفتك تعـذر ياهـوى روحـي وغايتهـا
مما رأق لي ولامس احساسي