لاتقول وين الجرح ..ماشوف أنا الدم
الجرح الأعظم بالقلوب الخفيه




✰::✰




وماكل جروح الناس ياهــــوه تلتم
بعض الجروح تعيش لحد المنيه





✰::✰



والمشكله انك قريب ولد عم
ولا قسم باللـه بجرحك ....زيه




✰::✰




والمشكله لاجتك من شخص يفهم
والا الردي اصلاً علومه رديه





✰::✰



غلطان ياسيدي بظهري تكلم
مالك ومال أهل القلوب الشقيه





✰::✰



مالك ومال الي تخاوى مع الهم
وعيبٍ على مثلي يخلي خويه





✰::✰



أمواج حزني في خفوقي تلاطم
تضرب على جروح الزمان النديه





✰::✰



وأفكاري الي لابتدى الليل يظلم
جتني مع رياح الزمان العتيه




✰::✰




ضيمٍ وغربال...وغرابيل مع غم
بليه ياكبرها من بليه




✰::✰




لاجيت أرد الجرح حرفي يتلعثم
مجبور أبدمح زلتك والخطيه





✰::✰



مجبور أغض الطرف وقول تسلم
سامحك ربي ليه تقسى عليه





✰::✰



ورغم الذي جاني بتبقى ولد عم
واقدر أنا ياهـــــوه أجرحك ...زيه





✰::✰



لكن يمين اللـه...واللـه يعلم
أني اعتبرت الجر ح منك..... هديه ..؟






الشاعر/فهد الغاطي