طيبتك في هالزمن هذا خسـاره =
والمصيبة طيبتك تنقـص وقـارك
العفون اليوم انا بسلـك مـداره =
يوم صيتك راح فجأه يم جـارك
حرف الكلمة وحلق بالصـداره =
وتركك عظما بلا لحمـا فقـارك
كنت لك ضلعا ودرعا والمغـاره =
كنت لك عزك وبيتك كنت دارك
افزع ليا جيتنـي لـو بالاشـارة =
اذكر اني كنت ظلك في نهـارك
عزة فلوس وتحسبنهـا شطـاره =
وين عزك وين طيبك وين نـارك
البشـر مقياسهـا ظالـم قـراره =
الفلوس تعزك وتحـدد مسـارك
ولا رجلن ساعة الغبـراء نهـاره =
ستوي مع رجلن ابدا ما تعـارك
دون دينه دون عرضه دون جاره =
دايمن تنخاه ولا يبطـي انتظـارك
خلها لك جعلها يقبـس شـراره =
تسمد بلحظة ولا يمكن تـدارك
لانك اصلا ما عرفت انها حقاره=
دلتك عنـدك وبهرهـا بهـارك