حكو علي ناس ٍ على القلب غالين=إن الردي ماله جزاء غير الإحسان
حللـّـته بقلبي بكل الموازين=لقيته أحلى مـُــــرْ في كبد إنسان
الطيب ماهو حسوفة ٍ بالميامين=مار البلا اللي يجزي الطيب نكران
أمشي وأخاوي من على العهد موفين=اللي بصفحات الوفاء كل عنوان
الطيبين النادرين الكريمين=اللي لهم فعل الأجاويد نيشان
ناس ٍ بعاد وناس حتى قريبين=عندي سواء مافيه فرق ٍ ونقصان
تبقى مكانتهم على الراس والعين=دام الوفاء مضمار والطيب ميدان
نسوق رجلينا مع الوقت ماشين=نسوقها والوقت ماعنه مزبان
راضين باللي يكتب الرب راضين=يالله عسى بقلوبنا يزيد الإيمان
.
أخوكم / ممدوح بن زايد القدهي الشمري
.
.