انا منهو انا .. مدري ولو ادري .. وش اللي فاد=
انا انسان ولكن !! ما اشوف الا ,, بقايا ناس
قضا عمري احسب للوعد .. ثم فاتنا الميعاد=
قضى عمري واقول اليوم ياتي والبطا ,, لا باس
ولا هو بين الفرقى .. ولا هو للحبايب عاد=
تعبت اكذب على نفسي .. واقول الكأس ونص الكأس
تعبت انظر .. وجف الكاس .. وعيني دمعها نشاد=
وليه الناس في حزنة .. تشوف النصف له مقياس
تعبت انطق .. تعبت اكتب .. وقلبي بالقصايد جاد=
صرخت !! وطاحت الدمعة .. واقول الحب له حراس
حمام الدار ينشدني .. واجاوب والجواب ,, ان زاد=
انا .. ماني انا .. وان كنت انا .. فالدار ماله ساس
سقيت ( الهم ) من همي ويسقيني : حزن وحداد=
على حب(ن) توفى واللحد : من قلبي الحساس
صباح الورد يا حزني .. صباحك ( نور ) ونورك ساد=
اعلل فرحي بحزني .. لجل ما ينطفي واحتاس
فرح كاذب وانا ادري كذبتي .. لكنها باعداد=
ولو مرة !! اخطط شي .. وآصل له .. ولو به باس