على هالصّبح مدري ويش ودّاني على بابك؟
تقل كنّي على موعد لفيت .. وشايل ٍ قلْبـي
وانا ادري منت فاتح لي ولا عِدني من احبابك
ولكنّ الوله أحيان .. مدري وين ياصلْ بـي؟
عسى الله منْك لا يقطع رجاي بطولة غيابـك
أنا مثلك ضحيّه للهوى .. والواقـع السلْبـي
إلى هالحين احبك والزمن أبطى .. ولا جابك
لِذا جيتك .. وانا في جيّتي مُقْدِم على صَلبي
تعال اذبح بي الباقي .. ولا تتمالك اعصابـك
نعم بعدك قرفْت بعيشتي .. والشوق بهذلْ بي
أموت ابْرك .. ولا افكّر أعيش بغير جِلبابك
ولا به غيرك من الناس له قُدره على جَلْبـي
لذلك .. لا تضيق انْ شفتني وتقول: طَلاّبـك
أنا لا يمكن اطلب ما منحته .. لو على غُلْبي
لأنّه .. ما بقابي روح تتنفّـس مـن اسبابـك
عشان اجيك في هذا الصباح اطالـب بقلْبـي
أتمنى أن ترتقي لسمو ذائقكتم
وكل عام وأنتم بألف خير