تعال وينك يابعد حي مغليك
........انا على عهد الوفا يومك اقفيت


قلي علامك يابعد حيي وش فيك
........وش طول الغيبه عسى ما تناسيت


عسى الزمن وايام عمرك تسليك
........في ذمـتي ما فيه غـيرك تمنيت


والله لو القـلب ينطق يناديـك
........تعرف وش الي اوجعه يومك ابطيت


لكن دامـك مقـفي الله يهنيك
.......تلقى السعاده كل ما اصبحت وامسيت


لكن وقفـلي دقيقه ابعطيـك
........اخر قصيده ودي اهديك ذا البيت

رح في طريقك كان هذا اللي يرضيك
........برثيك حيٍ وانت في خاطري ميت
الشاعره القديره
على النية
من عيون الشعر