اخوي ياماجد عساء مابك خـلاف=
البارحة جتنـي علومـن كليحـة
ناسن تقول انك عن الطيرعيـاف=
ياشمري وشلون ترضـى مطيحـة
الطيـر لصقارلاصـار مـيـلاف=
تسمع على قلـب المولـع فحيحـة
الطير والمسرا على زين الاوصاف=
لاسانعنلـك واليـالـي مليـحـة
اقطف ترى فيهن سمينات وعجاف=
ترى اليالي فـي قراهـا شحيحـة
ولياحصل قرناس وطياره أسراف=
ومرافقـة هـاك الوجيـة الفليحـة
في ليلتن قمرا بها الدرب ينشـاف=
بطراف خوعا والديـار الفسيحـة
يازين ذاك الوقت والجـو هفهـاف=
والشيح يلعب يفضح الجـو ريحـة
قلبن باليا حـب ياخـوك ينعـاف=
هذي تراهـا ياعظيـدي نصيحـة
حب الحرار وحب منبوز الارداف=
ثنتين في قلـب المعنـا طريحـة
وانا ترى قلبي على حـد ميهـاف=
الله ولاء بنتـن تجيـب الفضيحـه