ياصاحبي عشق الغنادير مازاد=

قلب المعنا غير همن وحيرهــ

والله لو عشقك على رؤس الآشهاد=

يقفي وكلن بالهوى طار طيرهـ

ان كان حبك لآريش العين مافاد=

خله تروح ويشغل القلب غيرهـ

وأن كان تشكي من هوى غض الآنهاد=

فأنا جروحي من هواهن خطيرهــ

العين تجفى لذة النوم ورقـاد=

لاصار تحرم شوف عين العشيرهـ

والرؤح لا سمعت صدى الحب تنقاد=

تمشي ولا تدري نهاية مصيرهــ

العشق بير ومن ضمى جاه وراد=

أحدن شرب وأحدن على جال بيرهـ

يموت من زود الضمى والتعب زاد=

أن ذاق حلوهـ خالطه من مريرهــ

وأن طعتني خلك مع دروبن بعاد=

أبعد عن أبيارهـ وجنب غديرهـ