بدري عليك استسمحك واترجاك
من دون ربي ماترجيت مخلوق
&
ماينحني راسي لمثلك وشرواك
ثمن كلامك وحاكني بحسن منطوق
&
أبسألك منهو يسوي سواياك
ياللي غفلت بدنيتك لازم تفوق
&
شوف الغرور شلون ضيعك واغواك
جازيت فعل الطيب ياهيه بعقوق
&
من قال لك مزيون غشك واعماك
الزين له اصل وعلامات وفروق
&
ياكثر ناس ٍ زينها يربك ارباك
ورغم الحلا والزين ماعندها ذوق
&
ولو بك مزايا ماجحدنا مزاياك
ولو لك حقوق ٍ مابخسنا لك حقوق
&
ولو هي على زينك وشينك قبلناك
بس البلا انك (شين)و(ظالم)و(مطفوق)
&
لاعاده الله ساعةٍ به عرفناك
ساعة وزى مابين عاشق ومعشوق