اقوى طعون اللي تجي من قرابه=
توجع ويبقى بضمايـر وجعهـا
طعنت خفا من كف عالي جنابه=
يقول ذيب وبالخيانـه رضعهـا
الذيب لاعكـر خويـه شرابـه=
يموت ضيم وشرهتـه مابلعهـا
وانا اشوف الموت ينـدق بابـه=
ومن القهر معلوق كبدي شلعهـا
مايدري ان الداب مكسور نابـه=
والبذره اللي في ضميره زرعها
قبله قطفنا زهرت(ن)من شبابه=
انشد ادروب اذيب منهو بدعهـا
والله يالولا القرب لرخي طنابه=
وعلمه وشلون كبـدي مزعهـا
واليوم دوك احتات تالي زهابه=
شربي قراح ولعبتي ذا سنعهـا
والكلب مثلك لا نوينـا خرابـه=
اصغر صغير ابلابتي لا صنعها
تذوي غصونك والمراجل تهابه=
مير احمد الله يوم عنكم قلعهـا