طفلـة السـر الدفيـن

مدخل




انتظاره كان لك : رشفه وقوت
والجفا يابس و جفف له نداه




عمق




تمتمت .. واستشرف ممر .. ولا لمحت العابرين
إلا وجيه أشباه ناس .. تشاف لحظة مـا تشـاف


لملمت مني ما بقى .. والقلب لو يصبـح يديـن
شقّق ملامحهم عبث ماهي شجاعة مـن يخـاف


وش تستدر من العطش يا جالس بنهر الحنيـن ؟
تستنزف سيول السراب .. ونظرتك مثل الضفاف


لك من سنينك ما انكتب .. ليه الغرابة ؟ والسنين
سبعٍ سمان وبعدها يـا صاحبـي سبـعٍ عجـاف

قمت أستشفك ذنبٍ أبيض .. يا عقاب المذنبيـن
وأنااااا .. اتأرجح بين نار المغفـرة والإقتـراف


أرتّبك في داخلـي .. واستوطنـك شـك ويقيـن
وأشك بشكوكي، يقين إنك مـن الحلـم اقتطـاف


البارحة مرت كذا .. والقلب في صمتـه سجيـن
البارحة مرت كذا .. والقلب يرفـض الاعتـراف


البارحة وأرسم ملامح .. طفل لو يضحك حزيـن
في يديه كراسه كتب في صفحة الآخـر "عفـاف"


البارحة وأقرا ملامـح .. طفلـة السـر الدفيـن
في يدينها كراس فاضي من الغلاف إلى الغـلاف


البارحة .. يا البارحة .. يا البارحة .. كم تزرعين
أحلام عاشق في بلاد البعـد وفصـول الجفـاف


يا صاحبي وش هو المطاف إلا قلوب العاشقيـن؟
يا صاحبي وش هو الفراق إلا نهايات المطـاف؟


عمر الندى ساعات .. والا العمر: عمر الياسمين
والبرد ما هو بالضلوع .. البرد من برد اللحـاف


أقسى عليّ من الفراق إلى سألتك: أنت ميـن ؟!
واقسى عليك من السؤال إنك تجاوبني:أخـاف !!




مخرج




صون الهوى وإكرمه وارجع مرآبيعة
مآ فيه عذرٍ على غيبتك يقنعني








لاارواحكم النقيه

الموضوع الأصلي: طفلـة السـر الدفيـن || الكاتب: براق || المصدر: منتديات بعد حيي

www.b3b7.com

كلمات البحث

مواضيع اسلامية، مواضيع عامة، قصائد، هاكات ، استايلات

رغم الألم الا انها قصيده كل ابياتهاالييييييييييييييمه

وربي احترت شقتبس منها وش اخلي

دوماً ذووووويق ياشاعرناالمُترف


بحجم الكون شُكراً لجنابك

بنتظار القادم وبشغف

احترامي

براق

مرحبااااااااااااااااااا

وتسلم لنا روحك

قصيدة رائعة

سلمت وسلم لنا غاليك شاعرنا والغالي على قلوبنااا

ننتظر جديدك بكل شغف

لا خلا ولا عدم

تحيااتي وتقديري لك

انا اثق باحساسك شاعرنا
واعلم علم اليقين بانه ان حضر
احضرمعه ترف الحرف ونقاء الكلمة
فكان هذا ..
شكرا لامتاعنا شاعرنا

يعطيك العافيه ابداع تميز يعجبني ماتكتبه شكرا لك

طرح في غاية الرووعه

تسلم يمينك .. بـ شــووق لجديدك المميز

براق
شديد الشاعريه أنت
وطاغي الفتنه بكل ماتأتي به
شكراً ولآ تفي ,,