مساجله بين الراوي الشاعر الغسلان والشاعر الراوي التبيناوي

بسم الله الرحمن الرحيم

قال الراوي والشاعر/فواز الغسلان

يا

مبارك وش اللي لاقريته إيعبذ = من هجوس (ن) نتاجه باالضماير رضوض
حظي اللي مشالي في حياتي لذيذ = دار بي وأغرقتني موجعات الحضوض
دمع عيني ليانام الخوالي رذيذ = والسهر صار عندي من عديد الفروض
عقب حكم(ن)صدربي صارجسمي جذيذ= وأول(ن) كان زاهي كاالخزاما بروض
قلت نطلب قرابة من جنابه يليذ = عقب ريحن عجزنا من هبوبه نجوض
قالت الناس هذا شذ رآيه شذيذ = وعقب عقله نشوفه باالهذاري يخوض
قولهم بذ همي باالضماير بـذ يـذ = قلت نرضخ وربي قادر إنه يعوض

[/poem]


رد الشاعر والراوي/ مبارك طناء التبيناوي

[

يإبن غسلان كني شارب (ن) لي نبـيــذ = من غرابيلي اللي في حلوله غموض
لو نــفـــذ هم كل الناس ماله نـفــيــذ = راســـيــن باالحناياء لعنبوه إمعروض
كل مافـذ من همي تــوالي فــــذ يـــذ = كمله حظي اللي ماقوى للنهوض
ياعشيري وربي مـؤخــذن بي وخــيــذ = والغلاء والشماته ما لقيله نقوض
سبت اللي ليا قــذ ّت بعينه قــذ يــذ = وشفت خد(ن) كما البارق بليل(ن) ينوض
قمت أصلي وأعيد الـقــلــقــلـه وأ ستعيذ = من بلاوي حبايل مـيـبسات اللحوض
وإتـكــالي على رب(ن) عليه الـنـقـيــذ = أنزل الــذ كــر للمسلم جعله إمحفوظ

قال الراوي والشاعر/ فواز الغسلان

يوم شد الزين مالي باالقوافي داعي = من يبي يقراء همومي عقبهم وأوجاعه
كيف قلبي يامبارك عن دروبه ضاعي = عقب عرفي صارقلبي جاهل(ن) مطلاعه
دمعتي دمعة يتيم(ن) جاهـ صوت الناعي= مات أبوه وهوصغيرن مايعرف أسناعه
إن طلب ذاق المهونه وإن تشيم جاعي = ولأجل عيشه باالكرامه عفش بيته باعه
مثل دمعي لانهيته يستحي ماطاعي = ولا تلوم اللي بوسط الموج طاح شراعه
ليت مابيني وبينه يامبارك ساعي = كان أموري في هواها باالعرب ماشاعه
مامضى وقت(ن) طويل وشف خبرناذاعي=ويل قلبي من قلوب(ن)ضايع(ن) مرماعه

رد الشاعر/ مبارك التبيناوي

والله إنه حار فكري والقلم با أصباعي = قمت أعيد قراية المكتوب ربع الساعه
ضاق يافواز صدري طحت ماني وآعي = سبت الفرقاء قلوب(ن) حاقده قطاعه
ماوعيت إلا الدكاتر وأكسجين صناعي = قلت يادكتور إبن غسلان كيف أوضاعه
الغليبه والقهر طوّلت وأنت تراعي = فرصتك باالعمر ياضاعت صعيب إرجاعه
علمن باإسمه ورسمه والبلد والراعي = والله إني لأجل عينك باأول الفزاعه
لأجل موضوعك حرام إني نسيت أوضاعي= صاحبك مالاع قلبك باالمحبه لاعه
والله إن القاف يا طوّل تزين أطباعي = من رجال (ن) ماتغيّر مذهبه وأطباعه

ردا الراوي فواز الغسلان

مراكبناعلى الشاطئ وترفض تكرم الزاير= وأحسب إنك قبل هذابشوفي بالغلاء
وش الحد نور العين يصدر حكمه الجاير= مع إنه عارفن حكمه يسبب لي خراب الدور
إذا جانا كلامه شين عذره دمه الفاير= وإذا قلنا كلام(ن) زين جاوب قصدكم مخبور
وإذا قلنا هجرت الروح جاوب عاد وش صاير= ويضحك يوم أقول إرفق تراني عاشق(ن)مسحور
ولا ينضر حوال اللي يراعي خافقه حاير=يبي يكسب رضاء خله ولا يأمن دروب الجور
نهاره مغلرق(ن) خده بدمع(ن) يرسله ساير=وليله ساهر(ن) ولهان لين إنه يفج النور
كرهت الحور من شأنه وصحت بوجههن ثاير=وهذا حق من يطرد غشيمن باالهوى مغرور
وأعرض الرآي لمبارك تركهن طوع ومخاير= وأخبره كان ضاق الدرب يهدي لي صليب الشور

[/poem]


رد الشاعر / مبارك طناء

أنا ناماتبت من شأنك ولا من حظي الباير= لو إنه بالسنين التاليه عاثور في عاثور
أصابه من سهوم إعيون خلق الله على الطاير= فلا همي ولا همه عذاب الجادل الغندور
مادام إن المصيبه فيه مايصلح ولا داير= عقب ماكان يتخيّر على السكين والساطور
عقب عزّه ياإبن غسلان مايسوى ولا تاير= صحيح الحظ لامنّه تردى عافك الجمهور
أهده لعنبوا حيّه ويرجع بي على العاير= يهوم اللي عليه السور ويعوّد خلاف السور
أجرهـ جـر ملعون السقاف ويقطع الواير= أنا وياهـ يافواز قصة عنتره والثور
عسى ربي يزين حظنا من قبل ياناير= ويرجع حظي اللي كان مثلي ماعليه قصور
وإذا تسمع كلامي خل عنك النصح والشاير= جهادك في سبيل الغاليه ياصاحبي مأجور

[/poem]
الشاعر/ مبارك طناء التبيناوي