كرم وطيب قبيلة (الرمالات)من شمر

السلام عليكم ورحمة الله وبركاته:

هذه القصيدة لشاعر التومان الكبيرالشاعر/

عياده ابن عابل ابن مـرعـب ابن وضاح التومي الشمري

عندما قاموا أهالي قرية (جبة) بحائل بدعوة الشيخ/ فهد أحمد التمياط, وعلى رأسهم الاستاذ/ محمد فهيد ابن سحيمان, ونظرا لما قدموه أهالي (جبة) من حفاوه وتكريم بالشيخ فهد التمياط ومرافقيه ,,, وبما أن الشاعر/ عياده عابل ابن مرعب أحد المدعوين على تلك الحفله وعندما شاهد الشاعر تلك الحفاوة التي ليس لها مثيل , وعندما عاد الى أهله بمدينة (رفحا) أرسل بهذه القصيدة الى محمد ابن سحيمان يثني بها على أهالي قرية (جبة)...




بديت باللـــــــــــي كون الـــــــــكون ببــــــــــداع****
منبت خضار الارض عقـــب الهجــــــوعي

العالم البــــــــــــاري له العبد مطـــــــــــــــــــواع****
حنــــا عبـــاده ونتعبد بطوعــــــــــــــــــــــي


مــــــنشي مزون(ن) بالسماء له تشعـــشـــاع****
المطر يمطر والرعــــــد له قضوعـــــــــــــــي


محيي هشيم الارض خــــــــلاق الانــــــــــــواع****
عقب المحـــــــــل ينـــبت بها كل نوعــــــي


وخلاف ذا ياراكب(ن)فـــــــــــــوق شــــــــــــــلاع ****
مايمنعه كثر الدعـــــــث والطــــلوعــــــــــــي



جيـــــبن يشادي كوكب(ن) بالسمـاء شــــــــاع****
اخــــــــر مديل(ن) وردتـــــــــه الفروعــــــي


طبلــــــــــونه إمبـــــــروز به انــصـــــاف وربـــــــاع****
وديكور من شـــــــــدة جماله يروعـــــــــــــي


والسيت يامـــــــــــنك ظغطـــــــــته بالاصــــــبـاع****
الريش ياخـــــــــــــذ من ليانه بطوعـــــــــــي


واربع مسانــــــــــد تســـــــند الــــراس يافـــــــاع****
للراس توضـــع متكـــى بالرفوعــــــــــــــــــي


وبنــــــــيونه الخلفي على العـــــكس دفــــــــــاع****
وعمـــدان دفعه تشتــــــــــبك بالطلوعـــــــي


واربع كوابــــــــــح هـــوب للهـــــــوب تنـــــصـــــاع****
وفحمـــات هوبه للكوابح تصوعـــــــــــــــــــي


الياعتـــرض ياكنــــــــــه الذيـــــــب ياجــــــــــــــاع****
والا عــديم(ن)هـــــــاش وسط الجـــــموعــي


علــــــيه قرم(ن) عـارف(ن) درب الاســــــــــــناع****
يعــــــــرف طــــواريق السنع والسنوعــــــــي


من بيــــت (ابن مرعب) مشا مطلق البــــــــــاع****
يحمـــــل خطاب(ن)مرسلينه اللــدوعـــــــــي


وخذا الطريــــــــــق الدايري حـــــــين منـــــــــزاع****
وجهز قـــــرامــــيش السفر للقــــــطوعـــــــي


وخض النـفـــــود وباغيـــــــــن جبـــــــــــة قطــاع****
يبـــــــي ديار مبعـــــــدين الرمــــــوعـــــــــــي


اهل قهــــــــــاون دايــــــــــــم الدوم شـــــــــــراع****
(رمالات) مسقـــــين الحريـــــب الجروعــــــي


لسلم سلـــــم و لــلــــــــعدو دوم بــــــــــــــــتاع****
تشهــــــــــــــدلهم قب الرمك والدروعـــــــــي


ويلفي على( ابن فهيــد) حسين الاطبــــــــــاع****
عشير ظيفـــــــــــــــــــه باللوازم بتوعـــــــــي


(محمد) شهر بالمــــــــرجله والخبر شـــــــــــاع****
نعم(ن) بـ (بو بنـــــــدر) حسين الطبوعــــــي


راعي مضـــــيف(ن) يدهــــله كل من جـــــــــاع****
من دور جده والحـــــــــــــــدث له رجوعـــــــي

سلم عليه وخــــــص ربـــعـــــه بالاجمـــــــــــاع****
سلام مني نبتـــــــــــــــــــــــبه عن اربوعـــــي


شفنا الحـفــــاوه عندهــــــــــم عدة انـــــــــواع****
زرع(ن) بهم ماينوصـــــــــــــــــف بالزروعــــــــي


بهم كرم حاتــــــــــــم الى الان ماضــــــــــــــاع****
مزروع فيهـــــــم وسط هـــــــدف الظلوعـــــــي


عيال الغــــفـــــل ياصار شالـــــع وشـــــــــــلاع****
عاداتهم كسرة كثــــيــــــــــــــــــر الجموعـــــي


الضـــــد يسقــونـــــه من المــــر بالصـــــــــــاع****
ومن فعلـــهم يصبــح ذليـــــــل(ن) ويـــوعــــــي


وصلاة ربـــــي عــــد ماهـــــب ذعـــــــــــــــذاع****
وعداد سبــــتــــه والاحــــــــــــد والربوعـــــــــي


وعداد من ساروا علــى صحصــــح القـــــــــاع****
على نبي(ن) عند ربــــــه شفـــــــــــــــــوعــي



راق لي ونقلته لكم

الموضوع الأصلي: كرم وطيب قبيلة (الرمالات)من شمر || الكاتب: قناص الشمال || المصدر: منتديات بعد حيي

www.b3b7.com

كلمات البحث

مواضيع اسلامية، مواضيع عامة، قصائد، هاكات ، استايلات

قناص الشمال

الله يعطيك الف عافيه ع النقل الجميل

دمت في حفظ الرحمن

شـكــ وبارك الله فيك ـــرا لك ... لك مني أجمل تحية .

هلا والله اختي شباصه

لاهنتي على المرور الذوق

تشكرات خيتووووووو

الوافي الله يبارك فيك انت اخوي

تشكرات خيوووووو

فاهل حائل معروفين بكرمهم

ما هي قريبه عليهم

صح لسان الشاعر

سلمت اناملك على النقل الرائع والمميز

هلا والله اختي صرخه

لاهنتي على المرور والكلام الطيب الله يبارك فيك اختي

تشكرات على المرور

قناص الشمال

الله لايهينك على النقل الرائع..

ومهو غريب الطيب على شمر بصفه عامه اهل طيب وكرم وشجاعه..

كل الشكر لك الغالي

ونعم والله فيهم وفيك
وفى من يستحق النعم
بيض الله وجهك يالغالى
ولاهنت


تقديرى

هلا والله اخوي كبريا شمر

لاهنت يالغلا على المرور الذوق

هلا والله اخوي عقاب الناهار

مرحبا مليار اخوي


لاهنت يابعدي على المرور تو الموضوع ينور

تشكر ات

والنعم بالكل


نقل جميل من شخص اجمل

قناص الشمال
بارك الله فيك اخي الكريم
على النقل المميز لـ هذة الجزله
والنعم من المادح والممدوح
دمت بخير

هلا والله اخوي احس احساس

لاهنت يالغلا على المرور الذوق

الله لايحرمنا طلتك يارب

لاهنت

حياك ربي اختي الشمريه المجهوله

لاهنتي على المرور والله يحفظك

تشكرات اختي