(مساجله بيني وبين الشاعر الكبير عقلا الخاتم)

مما قاله الشاعر عقلا الخاتم

شرفتُ بهذه الأبيات الغير مستغربة :
من الشاعر الضرس :محمد بن اديهم العنزي من أهل القريّات
تفاعلاً مع ماحدث من إخراج ٍ بصورة غير مُحبّذة في شاعر المليون ومذيعه العامري تجاه مشاركتي وغيري من الشعرآء الجزلين كالصّخري وغيره

قصيدة الشاعر محمد اديهم

عز الله انك شاعرن مابها ضنون==قافـك وشعــــــــرك يالسنافـي فتنـا

يازين ماتكتب مـن ابيـات ولحـون ==وماقيـل فـي شعـرك لزومـن يثـنـا

قافك مع القيفـان يالقـرم مجنـون ==ايحـرك احسـاس الخفـوق المعنـا

بلـي ذكرتـه كـل الاجــواد يــدرون ==قـافـن عـلـى كيـفـك يجيـلـك افـنــا

الحقد بقلـوب المخاليـق مشحـون ==بالـحـقـد والـغـيـره علـيـنـا تـجـنــا

ناسن تبيـع ونـاس بالحقديشـرون ==يـاخـوك هــذا واقـعـن فــي زمـنــا

صعبـن عليهـم عـزم عقـلا يثنـون ==مهمـا يكـون الـهـرج مـنـا اومـنـا

رد الشاعر عقلا الخاتم

وهذا ردّي المتواضع على طير شلوى مع التحيه
لايابعـد مـن هـو غـدا مزبـن عفـون ==الله خـلـق وأيـضـا ً فــرق وامتـحـنّـا

سبحانـه اللـي يعلـم أسـرار مكنـون ==فـي غيهـب ٍ بيـن الحنايـا محنّـا (1)

يابـن اديهـم يابـن الأجــواد ممـنـون ==قافك على جاش المغربـل يحنّـا (2)

يانـسـل وايــل بالمـلازيـم مضـمـون ==الله يـــعـــزّك يـــازبـــون الـمـجــنّــا

إلياشهـد لـي مثـل شـرواك مـآمـون =مـالـي ومــال ْ العـامـري لــو غبـنّـا

بأفعـال ترهـم بيـن لاعــن وملـعـون ==قـلـب الحـقـايـق بـيــن دانـــه ودنّـــا

حنّا على أهرام الشّعر نعزف لحون ==وأرض الطمـانـه مـاتـقـارب وطـنّــا

تزهـى لدرويـش ٍ بـالاعـلام مفـتـون ==يـظـنّ الحمـايـل تمـتـهـن فـعــل بـنّــا

حنّـا لهـم فـي كــلّ مـاقـف ويهـبـون ==لـو كـان هاتفـهـم مــع الـنّـاس رنّــا








وهذا رد الشاعر محمد اديهم

ياراكـــب الــي بالمهمات مـــــــــضــمون
راعـــــيه عــــن درب الــــوعــــر ماتونا

بالـــباخــــره للملكـــه جـــيب مــشحون
ثـــــلاث احـروف الاســــــم له يرمزنـــا

الجمس الحمـر زاهــــــيه صبغت اللون
صوته كما الــــــــي بالفرح زغردنـــــــا

علـــيه منهــــــم لادمس الــــيل يمشـون
صــــوب الاضـــــارع بعـــدها يــشلعـــنا

وليا وصلتو الــجوف بالهون بالهــــون
لعــــقلا ابــــن خاتـــم زبون الــــــمعــنا

من صلب سرحاني على الموت يردون
تاريــــخهم معـــروف مابــــــه جهـــلنا

عدوهــم يرجــــع كسيرن ومطعــــــون
علــيــــه خــــــدنات الـــــعذارا تونـــــا

ودخيـــلهم عــــن واهج الضيم مامون
وعــــيونه ابــــنوم الـــــــهنــــا يرقـدنا

سلـــــم علــــيه وسلمه قـــاف مازون
ردن علـــــــى رده و ياصــــله مــــــنا

اكبر علامــــــــه لاوصلتوه تلقــــــون
بيت الشعر مشدوح(1) عنده امبنــــا

دايم وبيــته بالجـــــاويد مســــــــكون
ماحــــــط عند الـــباب زرن يــــــــرنا

وختامــــــها صلو على هادي الكون
الـــــي بعـــــــــثه الله بفرضن وسـنا


[/color][/size]

الموضوع الأصلي: (مساجله بيني وبين الشاعر الكبير عقلا الخاتم) || الكاتب: محمداديهم || المصدر: منتديات بعد حيي

www.b3b7.com

كلمات البحث

مواضيع اسلامية، مواضيع عامة، قصائد، هاكات ، استايلات

والله ونعم فيك وفي الشاعر عقلا الخاتم

وما شاء الله

ابدعتو

اقتباس:

المشاركة الأصلية كتبت بواسطة بُسٌ لُحظٍهَ

والله ونعم فيك وفي الشاعر عقلا الخاتم

وما شاء الله

ابدعتو

ونعم بحالك
كل الشكر

صح لسانك ولسان الشاعر والله انكم كفووو ونعم فيكم

اقتباس:

المشاركة الأصلية كتبت بواسطة كبريــاء شـــمر

صح لسانك ولسان الشاعر والله انكم كفووو ونعم فيكم

[align=center][table1="width:95%;"][cell="filter:;"][align=center]
صح بدنك اخي كبرياء شمر
ومبروك ثقت ادارة المنتدى
بك بتعيينك مشرف وتستاهل
وربي كل خير
[/align][/cell][/table1][/align]

محمد اديهم ...


مساجله رآآآئعه ..

وصح لسااانك ملااايين .. ولااهنت اخوي ..


ولااايهووون الشاعر عقلا الخاتم ..


تقديري مع تحيآآآآآتي ,,

الله الله
ونعم بك وبه وربي اشبعتونا شعرا وكلاكما غنى عن التعريف
صحت السنتكم جميه ولاهنتوا على الابداع صوت وصدى ولا اروع منه
الا وجودك بيننا

احترامى لك وتقديرى

[align=center]
صح لسانك ولسان الشاعر عقلا
والله لايضركم ابدعتوا والله



[/align]

مساجله راااااااااااائعه حبيب قلبي

حين تحضر يتأهب الشعر لـ الإنحناء وتقبيل مداد القلم
صحت يمينك يامحمد ودمت عاصف الحرف والقصيد

صح لسـآأإنك
مسآجله رآئـــعه
محمداديهم
بيض الله وجهك

شاعر جميل يامحمد

وعقلا الخاتم شاعر جزل


تستحقان الثناء والمتابعه


حضورك بارز ولافت