سعيت في مطلب طموحي ولا تم.!!!

العذر يا لوّام صار العسـل سـم





الهم عشّش في قلوب الرجاجيـل






الهم انا ويّاه ربـع وبنـي عـم





بيني وبينه طول عمري مواصيل






سقوى سقى الله ساعة مابها هـم





تسوى من الدنيا سنين الغرابيـل






ساعه بها يا خافقي ريّـح ونـم





اضرب بعرض الحايط الهم بالحيل






سعيت في مطلب طموحي ولاتـم





صارت عثور الحظ دونه عراقيل






موت الحرج .. هداج ماعادبه جم





ولاجاه (سياره) على ضمّراً حيل






اهني العميـان والبكـم والصـم





واحسد مجانين البشر والمهابيـل






قال الشلاقي يا سحابـاً علـى رم





يمطر سهوم الموت ما هي هماليل






أقدار والإنسان ما يرخص الـدم





لكن شمات الناس يفرح مغاليـل






كلمة نفاقاً تجمـع المـدح للـذم





تكسب بها سود النوايا محاصيـل






خطو الغشيم السالفه خمها خـم





والا يبدّلها مـن الأصـل تبديـل






يتبع طريقة كسب الأفعال والضم





ويبلش اليا عزّت عليه التفاصيل






الليل لو عسعس ولو حل والتـم





لا بد من شمساً تجلّى بعـد ليـل






الله كريم ويجلـي الهـم والغـم





ودروبنا عقب الصعوبه تساهيـل

الموضوع الأصلي: سعيت في مطلب طموحي ولا تم.!!! || الكاتب: محبة الله || المصدر: منتديات بعد حيي

www.b3b7.com

كلمات البحث

مواضيع اسلامية، مواضيع عامة، قصائد، هاكات ، استايلات

محبة الله
سلمتي ياقلبي
اختيار راقي يدل على سمو ذائقتك


ينقل الى القسم المناسب

صباحك ذوووق

رااااااااااااق لي ما طرح هناااا

الف شكر لك

ودي /

راقي اختيارك صح لسان الشاعر
وسلمتي على النقل

انتقاء رائع

يسعد لي قلبك وسلم لنا الذووق

دمتي بالف خير..

يسعد قلبك
على الانتقاء الرائع
صح كلك ولسان شاعرها
تقديرى

اختيار راقي
سلمتِ ع الاختيار الجميل
ودي

تسلم الأيادى غاليتى على روعة الاختيار

أنتقاء جميل

يعطيج العافيه