( إلبسي )..!!
( إلبسي )..يا فاصخة ثوبك..على مرأى الجميع!
وإنهجي وسط ( الفضا ) منهاج ( راعات العِبي )!
لا تحطّيـن ( الإثـارة ) خطّ..للشهـرة سـريـع
ولا تقولي:مذهـب الحريّـة اصــلاً مذهـبـي!
دائماً..و( الخطّ الاحمر ) حدّ واضح..والوضيـع:
من تجاوز ( خطّه الأحمر ) وسـوّى مـا يبـي!
و( المجاهر بالرذيلة )..وان فعـل فعـلٍ شنيـع
عندنـا مـن يلطـم العايل..ليـا ذيَّــر ظـبـي
وأنتي..ان جت لك..ترى ما لك من العالم شفيـع
ضايعـة بـيـن الإباحيّة..وفـكْـر مْذبـذبـي!
مستـواك اللـي تظنّينـه علـى القمّـة رفـيـع
والله انـه طاااايـحٍ بالقاع..يـرثـع ويْحـبـي!
الشجاع:اللـي لعُوجـان السناعـة مـا يطـيـع
شايمـة نفسه..وعـن درب الـمـلام مْجنّـبـي
ما يطير ( الحرّ الاقطم ) كود في ( جـوٍّ ) بديـع
وإن غدى ( دخّانهـا ) ثايـر يعـاف المرقبـي!
وأدري بْأنّ ( الفضا ) من حولنا:كـونٍ وسيـع!
والجناح العـفّ مـا يكفـخ ( بشكـلٍ لولبـي )!
الدروب العـوج عـوج..الله بصيـرٍ بك..سميـع
والشريعة فـي كتـاب الله..وفـي نهـج النبـي
إستحي..كانـك تعرفيـن الحيا..سـوّي صنـيـع
وإتركـي دوس الكرامة..كـان دمّـك يعـربـي!
عندنـا شرع..وْتقاليدٍ..تـراهـا مــا تضـيـع
لا نظنّ اصل الحضـارة فـي مُحاكـاة اجنبـي!
جدّ..في تالـي زمانك..فتنتَـك فـي كـلّ ريـع
ما تسير بْـدربٍ الاّ جـاك مـا يْشيِّـب صبـي!
ويوم ورّتنا ( المفاتن )..شيطنت حتى الرضيـع!
ضايعة بنـت الشوارع!..علّمُونـي وش تبـي؟!
ويـا مُذيع..اللـي يسمّـونـه بقولتهم:مُـذيـع!
لا تذيع ( الفسق )..عيب اللي تذيعه يـا غبـي!
بيّـنٍ خـطّ الحـلال مْـن الحـرام..وْلا نبـيـع
ديننا واعرافنا..من شـان ( عـذب المشربـي )!
والله اكبر!..من بعَد ما استذيَب ( القطّ الوديـع )!
وهدّ ( خفّاش الظلام ) اللـي بْنهـاره مختبـي!
وإنتظر يا ( .... )..لين يْجيك بالخيـر الربيـع!
دام من ساقك على ( المخضار ).." مالك مكتبي "!
للشاعر فيصل المطرّفي
العضو الأكثر نشاطاً هذا اليوم 
العرض الشجري