السلام عليكم ورحمة الله وبركاته
يالله تعديها على خير وتصيب
من حدني أكتب خماله وعيبه
يبغى الصراحه مابها شك أو ريب
بَاقولها والناس كل و طيبه
الحر ما ينفع بليّا مخاليب
والعقل للرجّال زينه وهيبه
والسالفة ماهي بلحية مواجيب
كل على طبعه يجيبه حليبه
بعض المنابت بالمراجل عذاريب
وبعض المنابت للمراجل خصيبه
رجل يبي طاريه عند الأشانيب
ورجل يبي طاريه عند الحبيبه
ورجل يودي بالسواليف ويجيب
ورجل سواليفه لفعله تجيبه
ورجل يغض الطرف عن جارة صحيب
ورجل عيونه فى محارم صحيبه
ورجل يغيب ويفقدونه هل الطيب
ورجل ليامن غاب ماحد دريبه
ورجل تشوف بخوته لك مكاسيب
ورجل تشوف بخوته لك غليبه
ورجل اذا اخطى يرى نفسه مصيب
ورجل اذا اخطى يراها مصيبه
قلت الصراحه ما بها شك أو ريب
كل على طبعه يجيبه حليبه
اشره وشرّه كان تبغى المواجيب
عط حق تاخذ حق مابه معيبه
م/ن
مشعل بن دهيّم
العرض الشجري
