لو هو بكيفي تمنيتك

قصيده عجبتني وحبيت تقرونها معاي
.............................

[frame="9 80"]يامرحبـا يـاروح قلبـي وريفـي
اقولهـا واثنـي التراحيـب واقـول

لا تحسبنـي عنـك معلـن نكيفـي
ولا تحسبني عنك دالـه ومشغـول

يا صاحبـي والله لـو هـو بكيفـي
لا قعد معك يانور عيني على طـول

ويصير مرباعي معـاك ومصيفـي
واخذ معك يالترف خمسة عشر حول

وأليا انتهـت جددتهـا يـا وليفـي
والـرزق عنـد الله للعبـد مكفـول

لا شك ضرف الوقت حمله كليفـي
يحدني وانا مـن الصبـر معـزول

منك ولجلك دمـع عينـي ذريفـي
ما شاقني غيرك من الناس مجمول

يـا عيـن حـرٍ ماكـره بالمنيفـي
اشقر ندواي مخلبه يدمـي الجـول

ويا ذيل شقرا ما عسفها العسيفـي
اشقر تماريبه على المتـن مجـدول

والخـد بـراقٍ سـرا لـه رفيفـي
والخشم سيف مصقل الهند مسلـول

القلب عن غيـرك مصـدٍ معيفـي
ما لايعه بالحـب غيـرك ولا زول

قلبي على طاريك يرجـف رجيفـي
مثل الرعود وعاقب البرق هملـول

القلب يعشق مـن جنابـه نظيفـي
قلبٍ سكنته عن هوى الغير مقفـول

في خاطري مالك شبيـه ووصيفـي
انت الوحيد وما جرا منـك مقبـول

مشاعري خطار وانـت المضيفـي
والضيف دايم بالتراحيـب مشمـول [/frame]

الشاعر
حسن الوطري