|
اصغر جرح
مدخل
تزرعني الأيام في وقتي اغراس
واظمى ويسقط طلع توتي
و تيني
يا ساريه : تنبت غصوني بالإفلاس
لو شّح مايسقي به السيل
طيني
عمق
طولـت بغيابـك وقصـرت ف هيـامـي
وربــي مجمـلـك لومافـيـك حنـيـه
يا اقسى من الرمح واقسى من قسى الرامي
لاصـار لـه ثـار والثـار لبنـي خـيـه
شف لي "طريقة فـرح" غصيـت بالامـي
صوتي قصيـدة حـزن باحسـاس مرثيـه
العيـن عيـت تسيـل وموجهـا طـامـي
حاولـت فيهـا ولكـن مالـهـا نـيـه!!
ياحاجـتـي للبكا...ياضيـقـة انسـامـي
أمـد جفـنـي وادور دمــع عـاريـه!!
محتـاج اشوفـك ياليـت تمـر فاحلامـي
مع انـي ادري حلومـي ماهـيب ورديـه
لكـن دام الـظـروف تعـانـد ايـامـي
تعـال لـو صـورة احـلامـي رمـاديـه
اخلافـي جـروح واصغـر جـرح قدامـي
ايخلـي القلـب يـبـرا مــن محانـيـه
اعتقنـي مـن الحيـاه ونفـذ اعـدامـي
بموت بـك عشـق يارمـح الرومنسيـه
يرضيـك فـي كـل درب تمـره اقدامـي
اشوف لـك فـي وجيـه النـاس ماريـه
اغيـب عـن واقعـي واصـدق اوهامـي
واقبـل الصدفـه اللـي جابـتـك لـيـه
اطيييـر مـن فرحتـي واطيـح مترامـي
ويلمـك الشـوق قبـل تلمـك ايـديـه!!
اليـن تثمـل عـروق الخافـق الضامـي
استوعـب ان الضمـا"كـاس الهـواويـه
لايمكـن اروى لقـا والـواقـع الـدامـي
صـّوت بصـوت علـت فيـه الانانـيـه
"ياعيـن لمـي ملامـح طيفـه ونـامـي
واصحى على الحـزن مامـوره ومنهيـه
تعبـت ليـل الجفـا يالمذنـب السـامـي
ان تبـت ماجيتنـي فـي توبتـك سـيـه
حسـك تمـادا غيـاب وتكسـب اثـامـي
يكفـي سوايـا ملامـحـك الخيالـيـه!!
الواقـع ابطـى وخايـف تبطـي احلامـي
واعيـش مـحـروم لاهـذيـه ولاذيــه
مخرج
حاولت اعديها على العرض والطول
بس اعترافك شـي ومبادئـي شـي
وشلون احبك وانت متقسم فصـول
يعني معاي شوي ومع غيري شوي
لأرواحكم النقيه
|
العضو الأكثر نشاطاً هذا اليوم 
العرض الشجري
