قصة نخوة الشاعر : بادي عبدالله بادي الحارثي وفزعة الشيخ : مؤيد ناجي راضي العردان السلماني
انتخى الشاعر : بادي عبدالله بادي الحارثي بالشيخ مؤيد بعد ما صابته ظروف وقال :
انخاك يا مؤيد ملاذ المضامي
وارجوك لا تبخل بجودك علينا
شرواك ابن ناجي تعدا الملامي
عليك من جور الليالي شكينا
ولا جيت للهيبه وكبار الاسامي
جاهك ووجهك الكريم اعتزينا
جيتك يامؤيد وقاصد مرامي
فزعتك من سود الليالي حدينا
تقول ابو ناجي واسمع كلامي
ان كان شحينا فتبت يدينا
حنا ترا شمر لنا الطيب سامي
افعالنا تشهد نهار انتخينا
اليا عطينا مثل نوش الغمامي
وما همنا رد العطا لا عطينا
شيخٍ تضد شيوخ عند الزحامي
خوتك يالوافي عسانا حضينا
تحدنا الحاجة لعالي المقامي
ومن همها ماعاد مره استحينا
ولا الحيا بوجيهنا له وسامي
زحول لكن الزمن جار فينا
ثم فزع له الشيخ مؤيد الناجي وقال الحارثي :
بمدح من مدحه يشوق المغني
مؤيد المعروف من كبر صيته
بن ناجي العردان ريف المجني
الشمري والجود مدهال بيته
من روس ربعه خوذو العلم مني
هذا عجب عينك ليا من نخيته
مؤيد الفزعات ما خاب ظني
تلقاه الاول لازهمت و دعيته
واليا عطى له شي ماهو يمني
يعطي ولا قال اسمعوني عطيته
شمر له التاريخ واسأل عني
بين الأساطير الدهايا قريته
والنعم يا مؤيد واردد واثني
مثلك يشوشني ليا من طريته
فيك القصايد يالسنافي نغني
واللي يغني فيك مشهور بيته
العضو الأكثر نشاطاً هذا اليوم 
العرض الشجري
