غنيت بأسمك هلا يامعتلي قدره
نورت قلبٍ يشاطره الفكر عاني
غنيتها لك وأنا رجلي على جمره
جمر المحبة ونار الشوق تصلاني
بنلبي قلبٍ يحب الطيب مايكره
للخير خيير ومع الأنسان أنساني
من وسع باله خياله وسع بصدره
حتى يضم الموده وسط شرياني
/-/-/-/
يا من يريح الخفوق بشوفه وذكره
لو كان ذكره يذكرها وينساني
العين في غيبته من غيبته تشره
من طول ساعة سهرها تشره أجفاني
مليت صبري وأنا صبري على هجره
مل الصبر لين بكيته و بكاني
رسالتي صوب لي من همنا أمره
العين تضمى لها والقلب ضمياني
/-/-/-/
كذاب من قال برجعلك بعد فتره
أحسب غيابه شهر لو مرت ثواني
البارحة قلت أنا بصبر ألى بكره
واليوم جاني وحبيب القلب ما جاني
غنيت بأسمك هلا يامعتلي قدره
نورت قلبٍ يشاطره الفكر عاني
غنيتها لك وأنا رجلي على جمره
جمر المحبة ونار الشوق تصلاني
العضو الأكثر نشاطاً هذا اليوم 
العرض الشجري
