الا ياوقـت كـيـف ارقـد ونـور الـعـيـن مـايـنـشـاف=ولا تـرجـي لـذيـذ الـنـوم عـيـنـن تـفـقــد احـبـابـه
الا ياوقــت لاتـحــرم خـفـوقــي عــنـدلـن مـيــلاف=وش الـمـصلـوح من جرحك لـنـفـسـن بالهوى ذابـه
الا ياوقـت شـف قـلـبـي رقـيـقـن بالـهـوى شـفـاف=مـضى عـمـره على الرجوى وجـور الناس عـيـا بـه
الا ياوقـت مــاتـرحـــم عـيــونـن دمــعـهـا ذراف=اصـد عـن الـعـرب من خـوف لايـجـري ويـدرى بـه
الا ياوقـت يـكـفـيـنـي مـن الـدنـيـا غطـاء ولـحـاف=وقـرب اللـي الـيـا شـافـه خـفـوق الـقـلـب حـيـا بـه
الا ياوقـت شـل جـرحـن لـمـعـلـوق الحشى خطـاف=يخـطـف الـروح لـيـن الـمـوت يظـهر مطـلـعـن نابه
الا ياوقـت شـف جـرحـي من طـعـون الزمن نـزاف=ولو خـفـيـت عــن ربـعـي رمـاح الـوقـت وحـرابـه
الا ياوقـت طـيـف الـزيـن يـذبـح خـافـقــي لاطـاف=ومـاغـابـت مـن جـروحـن قـديـمـه بالـقـهـر جـابـه
الا ياوقـت شـف غـيـري سـعـيـدن بامـهـات غـداف=وانـا مـن جـوركـم هـذي جـروح الـقـلـب مـاطـابـه
الا ياوقـت مـاتـكـفـــيـك نـار مـحــمــد الـــعـسـاف=تـبـي قـلـبـي يـذوق الـلـي لـقـاه بـوسـط مـحـرابــه
الا ياوقـت هــو يـبـكــي عـنـودن فـي طـوارف كاف=وقـلـبــي فـي هــوى خـلــن قـبـالـي فـاتـحـن بـابـه
الا ياوقـت خـلـيــت الـمـحـبــه دربـهــا يـنـخـــاف=وهــي روضـن جمع عـشـبـن زهوره فاحت اطـيـابه
الا ياوقـت كـم بـاقـي ونـاصـل فـي نـبـا الـمـشـراف=واشـوف الـلـي خـذى قـلـبـي وحـطـه وسـط دولابه
الا ياوقـت كـل الـنـاس ظـنـــت مـاعـلـي خــلاف=وانـا عـمـري مــضـى كـلـه بـنـار الـغـبـن واتـعــابـه
الا ياوقـت هـات الـزيـن واحـلـف لـك ثـمـان احـلاف=اسـامـح عـن جـمـيـع اللـي جرحـني راس مـخـلابه
الا ياوقـت كـل الـعـمـر لـو راح الـغــلا يـنــعـاف=اذا راحــت عــنـود الـريــم رحـت وشـمـسـنـا غـابـه
الا ياوقـت شـف قـلـبي يـذوق الحـيـف خمس اضعاف=ترى الـظـالم يـذوق اللـي فـعـل في مـحـكـم كـتـابـه
العضو الأكثر نشاطاً هذا اليوم 
العرض الشجري
