ما كل من يضحك مع الناس مبسوط

[poem=font=",6,orange,bold,normal" bkcolor="black" bkimage="" border="double,4," type=2 line=0 align=center use=ex num="0,black""]


ما كل من يضحك من الناس مبسوط=ولا كل مـسـجـونٍ مـن الناس خـاطي
كـم صالحٍ في ظـلـمـة السجن مـقـروط=وقــدره غـــدى بـيـــن المخـالـيــق واطي
وراع الفقر عـيـبـه مـع الـنـاس ملـقوط=ومـحـســوب دايــم بـالـفـريـق احتياطي
واهل الـظـلايـم في وناسات وحـبـوط=تـسـرح وتـمــرح فــي بــراد الـشــواطي
راع الذهب عـيـبـه عن الناس مشفوط=ويـنــطـــاه مـن ربــعــــه ثـمـــانـيــن نـاطي
ماقـلـتــهــا يــاس وشــوابـيــر وقـنـــوط=وحـطـيـت فـوق الحـرف بعض النقاطي
وان مالـقـيـت مـن الـقـرابـات مصفوط=والـغـيــظ ثــار بـخـافـقـك واستـشاطي
وجـفـنـك غـدى عن لذة النوم ملعوط=اجـمــع قـشـوشــك فـي كـبـير الشناطي
واقطع على الـموتر دعـــاثـيــر وقـطوط=مـقـفـــورةٍ ماغـيـــر شــهـــب القـواطـي
مادمت لا عـايـب ولا انـتـــه بـمـربـوط=ولا لـك رفـيــقٍ مـثـل طـيـب العــلاطي
اسحب على اللي ما فـقـد كبس وبلوط=يـهـــوط دربٍ بـالــوعـــر مـايـــهــــاطـي
مع ابـرق الكـبـريت والصوت مشحوط=تـحـتـه طـعـوس بالـرمـل مثل البلاطي
دراهـمـه بـالـكـاش نــوطٍ عـلــى نــوط=وديـبــاجـــتــــه فـــوق الـمـراتــب تخـاطي
جيبٍ جمع فوق الشنب خــط وجـنوط=يـرقــى الـطــويــل ولا يـحـب الـهـبــاطي
يـمـوط دربــه مع عـفـاش الـغـضى موط=وتـوايــره تـاطــى هـشــيـــم الـحـمــاطــي
من جـمـركـه ماهـو مـسـمـكـر ومخروط=وبـشـنـطـتــه يـنـقــل جـمـيــع الـقـــشــاطي
مضمون في طـيـبــه بـلا بـــنـــد وشـروط=يـقـطــع ديـــارٍ مـا وطـــتـــهــا الـمـــواطـي
ذيــبٍ سـمــع مـشــط الـبواريد مفـروط=ويـقـطــاه عـن قـرب الـمـظـاعـيـن قاطي
يقطع بـعـيـد الدرب شـوطٍ ورى شـوط=عــن ديــرةٍ فـيــهــا جـــروح ومـســاطي
وابعد عن اللي هرجـتـه تـشـبه السوط=الـلـــي يــداور بـالــهــروج الــغـــــلاطي
الحـســد بـعـروق الـمــعـــالــيــق مـخـلوط=يـوقـــد بـجــوفــه مـثــل جـمــر الاراطـي[/poem]

الموضوع الأصلي: ما كل من يضحك مع الناس مبسوط || الكاتب: فواز الغسلان || المصدر: منتديات بعد حيي

www.b3b7.com

كلمات البحث

مواضيع اسلامية، مواضيع عامة، قصائد، هاكات ، استايلات