الــجـآدلـ اللي شراييني شوآرعها..؟؟

الـجــادل الـلــي يـمــر الـقـلــب شـارعـهــا
بـيـن الـحـنـايــا تـعــدى مــا تـطـالـعـنــي

تـقـفــي مــع الــدم بـعـروقــي واتـابـعـهــا
واحـس كـنـهــا عـلــى نـفـســي تـوزعـنــي

قـامـت تـبـعـثـر غـلا وان جـيــت اجـمـعـهــا
اضـمـهــا و اتـشـتــت لـيــن تـجـمـعــنــي

بـيـن الـحـنـايــا تـثـنــى فــي مـرابـعـهــا
كـنـهــا تـقــول اتـحــدى مــن يـطـلـعـنــي

دام الـحـشــا بـيـتــهــا وانـــا مـدلـعــهــا
وش دخـل الـقـلــب يـزعــل يــوم تـوجـعـنــي

ولـيــا خــذا رمـشـهــا رجــل يـطـالـعــهــا
لـعــل رمــش خــذانــي مـــا يـرجـعــنــي

عـيـونـهـا جـيــوش و الـنـظــرة طـلايـعـهــا
غـارت بـصـدري و جـاز لـسـيـفـهــا طـعـنــي

ويـوم انـكـفـت لـيـن قـلـبـي مــن قـلايـعـهــا
والـصـبـر عـن خـافـقـي مـاعــاد يـنـفـعـنــي

مـدهـالـهـا الـقـلـب و عـيـونــي مـراتـعـهــا
امــوت فـيـهــا وهــي لـلـريــح تـزرعــنــي

لـو تـدري الـريــح عــن هــادي طـبـايـعـهــا
مـاهــزت غـصــون قـلـبــي لـيــن ودعـنــي

ريـحـانـتــي و الـغــلا بـالـقـلــب زارعــهــا
تـشــرب عـروقــي و تـروانــي و تـشـبـعـنــي

كـن الـنـحـل مـن رحـيـق الــورد مـشـبـعـهــا
وانـا شـمـوخـي مـن احـلــى شــي جـوعـنــي

ولـيـا تـعـانـق خـجـلـهــا مــع تـواضـعـهــا
عـانـقـت لـيــل عـلــى مـســراه شـجـعـنــي

لـو يـنـســري لـيـلـهــا سـريــت بـايـعـهــا
بــشــر ولا الله عـــن الــزلــة مـرفـعــنــي

واصـبـحـت مـن عـقـب مـانـي ضـدهـا مـعـهــا
ان ضـاعــت اضـيــع وان دلــت تـسـنـعــنــي

وان شـفـت بـالـعـيـن قـلـبـي بـيـن اصـابـعـهـا
ســجـــدت لــلـــه ..ويالله لاتـضـيــعــنــي

وان جــات لـلـجــد و اسـقـتـنــي مـدامـعـهــا
عـلـمـتـهـا الـدمـع لـلـعـشــاق وش يـعـنــي

الـدمــع صــوت الـيــا غــازل مـسـامـعـهــا
تـشــوف صـوتــي واذا مـريــت تـسـمـعـنــي

والله مـاكــنــت اطـاوعــهــا ولا اسـمـعــهــا
لـكـنــه الـحــب سـمـعــنــي و طـوعــنــي

لـلـجــادل الـلــي شـرايــنــي شـوارعــهــا
الـقـلـب يـقـتـادنـي و الـنـفــس تـمـنـعـنــي