يازين بان البدر وش فيك مابنت

[poem=font=",6,orange,bold,italic" bkcolor="black" bkimage="" border="double,7," type=2 line=0 align=center use=ex num="0,black""]

يازين بان البدر وش فيك مابنت=روحي سرت عقبك ورمشك نكسها
لاهنت ياجرح المعاليق لاهنت=فك القلوب اللي غرامك حبسها
كان انت في سكة غرامي تعاونت=ارفع حياتي عن طوارف دنسها
عز الله اني قبل شوفك تسلطنت=واليوم حالي ماتراعي هدسها
هذا وانا بطبوع الاحباب ماشنت=وانته تركت الروح تشكي فلسها
زنت وسمنت ولا برى الحال غير انت=وهذي قصور الروح يصفق جرسها
منت وكمنت وعند رمشك تهاونت=أثره شبك كل اللغوم وقبسها
جيشك هزم جيشي بناره وهيمنت=وجريت روحي في حبايل مرسها
والله فلا تسوى حياتي ولا سنت=لاغاب رمشن في غرامه حبسها
ليتي دقايق شوفتك ماتلاينت=واعطيت خلي حاجتن مادرسها
وجدي على روياك لو ماتزينت=تبري عروق هجر عينك حمسها
لو كنت في وسط المداين تمدنت=ولبست لبسن عاشقك مالبسها
ليتك رسمت عهود حبك وبرهنت=محدن مسح ذيك العهود ولمسها
وحميت حبك ياغرامي ولا خنت=مثل الذي خان العهود وطمسها
دامي بحبك يالغلا ماتهاونت=حبك غدى ساس الحياة ونفسها
والله عشقت شفاك يالموت وادمنت=حبن سقى غرسن بطيبه غرسها
كنت ومكنت ووسط جوفي تمكنت=وسكنت روح قل شوفك عمسها
واليوم كنت وفي مكاني كما كنت=مانلت مهر الريم والا فرسها
اغنج غنج ينهج بروحك اذا لنت=اهنف عسف روح العشير وكبسها
ادعج لعج هاج بحشى القلب واعلنت=انه ظلم روح الغرام وعفسها
حبك كمن في مكمن الجوف واذعنت=للي خذى قلبي وروحي خفسها
[/poem]

الموضوع الأصلي: يازين بان البدر وش فيك مابنت || الكاتب: فواز الغسلان || المصدر: منتديات بعد حيي

www.b3b7.com

كلمات البحث

مواضيع اسلامية، مواضيع عامة، قصائد، هاكات ، استايلات