الخميس .. و .. السبت [ محآورة شعرية ]

محاورة شعرية
بين يومي ( الخميس و السبت )

يوم الخميس /

اشكي على الجمعه من معاند السبت
ما اخطيت في حقه و جا في مكاني

يا سبت في حقي تعديت و اذنبت
يا سبت وين الله بفعلك بلاني

يوم السبت /

انا من اسبابك تراني تعذبت
سنين ما ريّحت فيها ثواني

تشكي على الجمعه معي ما تأدبت
ما تدري انه واحدٍ من خواني

يوم الخميس/

الناس تفرح بي وفيني تسببت
ما عاد لي قيمه بتالي الزماني

تباشروا بي كل ما اقبلت و اعربت
شكري لهم مع دعوتي و امتناني

يوم السبت /

هذي هي الدنيا و انا ما تعجبت
الا من اسلوبك معي يا الاناني

لا تامن الدنيا و لو كان عصبت
اليوم جا دوري و ربي عطاني

يوم الخميس/

يا سبت تبقى سبت لو جبت ما جبت
و انا الخميس و خل عنك التواني

غلاي في قلوب العرب نابتٍ نبت
لو داوموا بي حبهم ما خفاني

يوم السبت /

ان كان تبغى العلم يا صاحبي ثبت
راحت عليك و لا عليها ضماني

انا اشهد انك ذيك الايام قد طبت
و كسبت حب الناس والعمر فاني

يوم الخميس /

ايه الله اقوى بس انا يوم حسّبت
ما كنت احسب ان لي مع الوقت ثاني

دار الزمان و طاح حيلي و شيبت
و الدايم الله و الله المستعانِ

^_^

م/ن

الموضوع الأصلي: الخميس .. و .. السبت [ محآورة شعرية ] || الكاتب: أ ذ كـر اللـه || المصدر: منتديات بعد حيي

www.b3b7.com

كلمات البحث

مواضيع اسلامية، مواضيع عامة، قصائد، هاكات ، استايلات

مراااا جميله قد جتني بـ الووواتس


يسلمو اذكر الله الله يسعدك

ياحول راحت هيبته السبت

والخميس يبقى ونيس..


شكرا لنقل المحاورة الطريفة

ماخلوا شي
حتي الايام طلع به محاوره
صح قلبك
ولسان شاعرها
تقديري

محاوره رائعه لكن يبقى الحبيب لقلبي الخميس
نقله رائعه
يعطيك العافيه ولاهنتي

يااااااااااااااااااااااااااااااااسلام
صراحه محاوره مؤلمه ليوم الخميس
يالخميس هذي هي الدنيا دوّاره
لكن يبقى الخميس هو الاساس


الله يعطيك العافيه

محاوره رآئعه ومرحه ويبقى
الخميس فله ووناسه
سلمت للأنتقآء الرآئع
لآهنت ,,,

محاورة رايقة بين خميس وسبت

"أسعدكم الله"

..الله يبلغكم رمضان لافآقدين ولامفقودين..