يالله يامجري ينابيع الانهار

[poem=font=",6,black,bold,normal" bkcolor="transparent" bkimage="http://www.b3b7.com/vb/mwaextraedit2/backgrounds/5.gif" border="double,6,black" type=2 line=0 align=center use=ex num="0,black""]

يـالـلــه يـامـجــري يـنــابـــيـــع الانـــهـــــار=ياكـافـل بالـرزق عـوج الـمـناقـير
مجري حليب الزور من حسك الاوبار=والتـمر بـعذوق الـغـريـس المباكير
يـاواحـــد تـعـلـــم خـــفـــيــات الاســرار=وياكـاتــب للـخـلــق كـل الـمـقــادير
ويامـجـري سـود السحـايب بالامطار=تسري مع الـعـاصـف بلـيــا مواصير
ويـاعـــازل ســود الـلــيــالــي بـالانــوار=وياطــارد بـالـفـجــر سـود الـدياجير
يامنجي ذا الـنـون فـي غــب الابحار=وسايق على الداب العمى لافح الطير
ياللي شفيت ايوب من كل الاضرار=وبـدلـت لـه عـسـر اللـيالي مـيـاسير
انـك تـجــنـــبــنـا طـــواريــق الاشــرار=اللي عـلى الـزلات مـثـل الـنـواطـير
وتقسم لنا لـطـفـك بـضـيعات الافكار=وحـنــا بـلا جـودك ضـعاف مـثـابـير
والـلـه يـلــو نـمـلـك مـن الـمـال قنطار=ونـلـبــس بـدنـيــانــا ثـيــاب مـعـاطير
او عشت عـمـري بالـعـرب تقل بيطار=وبـيــوتــنــا فـيـهــا زهـــور ونـوافــيـر
دام الاوادم تـحـت قـصـاف الاعـمـار=تسـطـي عـلـيك بحاميات الشناكير
لـــذاتــهــــا تـبــقـــى زهـيــــدات وقــصــــار=وش عاد لو تـظـهـر بزين التصاوير
اليوم ما نـامـن صـواديـف الاخــطــار=تاتيك لو تـزبـن كـهــوف وجـواخـير
ماتـمـنـعـك عـنـهـا طويـلات الاســوار=والا مـنــامـك فـي طوال الـمقاصير
ولو كان مسكانك عـلـى راس ســنــار=والا تـعــدي مـنـزلـك حــروة الـنـير
كانك كسبت بوسطهم بعض الافـخـار=واصبحت من جـمـلة رجال مشاهير
تلقى حـيـاتـك بـيــن حــذوه ومـسـمـار=وهروجـهم تسري ورود ومـصـــادير
عرضك يصير لـبـنـدق الـقوم مـنـظـار=وتسـمع من ادنى الناس غيره وتزوير
حـتـى الاقــارب كـالـعـقــارب بـالاذكار=ترسل رمـاحـه مع مـزوح ومصاخير
وانا شربـت بـوسطـهـم كـاس الامـرار=وسوالف(ن)ماله مع الـعـقـل تفـسير
ادمـح الـيـا شـفـنـا الغلـط تقل ما صار=ولا نلـتـفـت للي مشى عاكس السير
ولـو تـنـشـده يـبــدى كـلامــه بـالانـكار=وانــه على شوفك يسوق الـتـبـاشير
ودامه غدى من غـيرة الـقـلــب مـهذار=نـوقــد بـقـلــبــه يـابـســات الجــذامير
سـرنـا على درب الـنـقــى ويـن ماسـار=نـفــزع لـمـن ضـاقـت علـيـه المـعـابير
ونكرم ونـقـضب بالـنـقـى غـيـبـة الجـار=ونقبل من الـمخـطـي جـمـيـع المعاذير
وللضيف وسط البيت حشمه ومقدار=ودلال بـغـداد عـلـــى واهـــج الـكـير
ومـجـــالـس ريـحــــه غــدى بــن وبـهـار=وسـوالـف تـطـرب صدور الخـطاطير
لبـيــوتــــنــا تـدعـيـــك دقــــات الانـجــــار=مثل الـذيـاب الـعــاويــات الـمحـاسير
نجـدع قـبـال الضيف عـدلات الازوار=ويلـقـى بـمجــلـسـنـا حـفـاوه وتـقـدير
وبالشور حـنــا مـن صلـيـبـين الاشوار=ونـرسـي الـيــا راح الــردايــــا مـذايـير
كـبــيــرنــا مــع نـقــــوة الــقـــــوم مــا بـار=وصــغـــيــــرنــا يـشــبــه حــرار المواكير
ونذكر ولي العـرش بـوقـوت الاسـحــار=نـقـضـي وقـوت اللـيـل سجـده وتكبير
ولا بان فـجـره نـعـتـلـي فـوق الاكــوار=نـسـعـى لكسب ارزاق ربـي مداوير
وعـنــد الـلــوازم مـا نـبـــادي بـالاعــذار=والـعـمــر مايـاقــاه كــثـــر الـمـحــاذير
درب مـشــاه جــــدودنــا ســر وجــهــار=بالـطـيـب ماهـابـوا كـثـيـر الـمخـاسير
لو كان درب الطيب فـي راس سنجار=او حـال من دونـــه جـنـود وطـوابـير
عـاشـوا بدنـيـاهــم مـثــل نـور الاقـمـار=وراحوا من الدنـيـا الـدنـيه على خــير
يوم الفخــر والـطـيـب فـي شـبـة الـنار=ومـجـالـس تـجـمـع شيـوخ وشـواعـير
تـلـقـى سـوالـفـهــم بـمـاضـيـن الاخـــبــار=وعـلـم الـسنـين الـمـسـمـلات المدابـير
وتكـثـر ونـاسـتــهــم عـلى ذكر الاخـيـار=اللـي غـدو مـثـل الـطـيــور الـنــوادير
يـغـلـون راع الـطـيـب في كل الاقـطـار=عــنــد الـــدلال الـمـتـعـبـات الـمـبـاهـير
والـيـوم صـــار الــمـال للـطـيـب مـعــيــار=وصــار الـفـخـــر كـلــه لــراع الـدنـانـير
لو هو خسيـس ومن غريـبـين الاطوار=يقـعـد بوسط الناس يـنفـخ كـمـا الـزير
والـعــفــن يـبــقـى من قصـيريـن الاشبار=وش عـاد لـو عـدوه ضـمــن الهـوامـير
واهـل الـنــدى مـالـه مـع الـنـاس تـعـبـار=ولو تـنـتـخـي شـفت الـنـشـامى مخـامـير
ويـتـيـمــنــا لــو يـسـفـــح الـــدمـع مــدرار=مـحـدن يـجـره عـن لـهـيب الـمـصاهير
كل(ن)غدى مـن خـيـفـة الـفــقـر منـهـار=ولا هـاب نـار الـفـقــر فـرخ الـعـصافير
والبنـت حـطــوهـا تـحـت بـنــد الاسعار=يــبـي الـمـكـاسـب مـن جـمـيل التنانير
ونـسمـع لـثــور من هـل الـمـرجـــلـه غــار=لا قــام يـرمــي عـــرضـهــم بـالـمـــعــايـير
لا هو خـذى بـالـطـيـب مــارد ومـصـدار=ولا هـو سـكـت مـثل البنات الغنادير
الـحــقــد فــي قـلـبــه كـمـا الــقـــدر لا فـــار=يشعل بـجــوفــه حـامـيــات الـدوافــير
ما خاف مظـلـوم دعـى وقـت الاسـحــار=ولا عـاقل يـعـطـي عن الكذب تحذير
والرجـم هـو حـظ الـشجـر زيــن الاثـمـار=تـرجـم ولا تـلـقــى عـلـى الرجـم تـبرير
طـبــايــع(ن) يـصـبــح بـهــا الـقــلـب مـحتار=والـلــه يـدبــرنـــا بــزيـــن الــتــــدابــيــر
لا شفت مايـجـلـب عـلـى الـكـبـد الاكدار=دفـعـت جـيـبـي فـي بـعـيـد الـمشاوير
يـطـوي صـحـاصـيــح الـبـراري والاقــفــار=ومـرعــى الـنـيــاق الـمـكـرمــات المغاتير
هـــــذاك ســــراح(ن) وهـــــذاك دوار=وهــــذا يــدوج بــيـــــانـــعـــــات الـنـــواوير
وهــذا يـشـــب الــنــار مــع فـــج الاسفار=وهـــذا عــــزل حـــيـــرانــهــــا والـمـعـاشير
وهــذا يـحــلــب مـن الـمـنـاجــيب مشكار=وهــذا يـمــوح الــدلــو من جـمــة الـبـير
اللـيــل يـمـضــي بــيــن الاطــعـاس سـمــار=تـحــت الـنـجــوم الساطـعـات الزواهير
وان غــابــت الـقــمـراء عـلــى ضـو الافنار=عـن زحـمــة الــديـره وحــس الـمزامير
وعــن عــالــم هـرجـــه غــدى تـقـل مـنــشار=والا طــعـــون الــذابـحـــات السواطير [/poem]

الموضوع الأصلي: يالله يامجري ينابيع الانهار || الكاتب: فواز الغسلان || المصدر: منتديات بعد حيي

www.b3b7.com

كلمات البحث

مواضيع اسلامية، مواضيع عامة، قصائد، هاكات ، استايلات