ياعظيمه ,,,,,,,,,,,,,,,,,

معرض الوسام · 02-21-2009, 02:39 AM

يا عظيمه كل شيٍ له حـدود ولـه نهايـه
لكن انتي ماوقفتي عنـد حـدّك ياعظيمـه
.
استلذّيتـي بطعنـاتـي واخذتيهاهـوايـه
كن ما لك حربـةٍ توجـع وطعنـاتٍ أليمـه
.
آه ليتـك مـا تماديتـي بطعنـات البدايـه
لين صار لكل طعنه فالحشـا معنـى وقيمـه
.
الله يبيحك ولكن كيف فـي أغـرب روايـه
تكتبين الحب كذبـه والهـوى دقّـه قديمـه
.
وانتي اللي كل ما لـدّت عيونـك فالمرايـه
ما لمحتي الا اليتيم اللي خذت قلبـه يتيمـه
.
واليتيمه فاليتامـى مالهـا حـق الوصايـه
الوصيّه عودها الغـض ونوايـاه السليمـه
.
لكن انتي صار لك حق الوصايـه والولايـه
واستبدّيتي وشدّوا البدو واضحيتـي مقيمـه
.
ما رحلتي لين حطّمتي بمـا فيـه الكفايـه
عاقلٍ حب الجنون وصوت نارك في مشيمـه
.
استبحتي حرمة المجنون بـادراك وعنايـه
والتفتّي له بعقلك وارتكزتي فـي صميمـه
.
امتلكتي غايته لو كـان مالـه فيـك غايـه
وانتصرتي في عيونه واعترف لك بالهزيمـه
.
من كثر ما يعشقك ماقال لك بالحـب رايـه
خايف الأيـام لا تطلـع عواقبهـا وخيمـه
.
في طريقك كل ماكنّه لمـس درب الهدايـه
تاه ودروب الحيـاة المستقيمـه مستقيمـه
.
تايهٍ بصري ومـن جابـه لبيـت الله تايـه
عذر من غمّض بعين وعينه الأخرى كريمـه
.
فدوتك مافات من ليّام واللـي عـاد جايـه
يا بعد عمرٍ مخاسيره معك عنـدي غنيمـه
.
أنتي الفارع بقـد وجـد واسمـاء وكنايـه
من عشق مثلك يجوز من الهوى وشداد ريمه
.
ليه لا وانتي بحسنك في ذوات الحسن آيـه
لا ذهب لا ماس لا ياقوت لا احجارٍ كريمـه
.
شاعرٍ له مع هل الرايـات فالمرقـاب رايـه
كل ماهبّـت هبوبـك فلّهـا قـدر وحشيمـه
.
سامحك من ألف باء الذنب الى مالا نهايـه
واستباحك عن خطـاه وكـل طـقٍ بتعليمـه
.
يوم قلتـي أعطنـي حرّيتـي أطلـق يدايـه
ما ذخر عن وجهك الا طعنتينٍ فـي صميمـه
.
**********
تقديرى
******
عقاب نهار الشمرى

الموضوع الأصلي: ياعظيمه ,,,,,,,,,,,,,,,,, || الكاتب: عقاب النهار || المصدر: منتديات بعد حيي

www.b3b7.com

كلمات البحث
مواضيع اسلامية، مواضيع عامة، قصائد، هاكات ، استايلات

معرض الوسام · 02-21-2009, 02:44 AM

عقاب النهار

صح لسان شاعرها

سلم نقلك ومنقولك

تقديري

معرض الوسام · 02-21-2009, 02:52 AM

عقاب النهار
الله يسلمك ع القصيده الرائعه

أعجبني
.
ما رحلتي لين حطّمتي بمـا فيـه الكفايـه
عاقلٍ حب الجنون وصوت نارك في مشيمـه
.
استبحتي حرمة المجنون بـادراك وعنايـه
والتفتّي له بعقلك وارتكزتي فـي صميمـه

دمت في حفظ الرحمن

معرض الوسام · 02-21-2009, 05:43 AM

عقاب

الله يعطيك العافيه ع التقل المميز

تقديري لكـ.

معرض الوسام · 02-21-2009, 07:16 AM

عقاب النهار

الله يعطيك العافية على روعة نقلك سلمت يداك

ودمت بحفظ الله..

معرض الوسام · 02-21-2009, 11:57 AM

يا عظيمة ،،

عنوان جميل لفت انتباهي وكان محتواه اجمل واعظم ،،

سلمت اخوي على النقل ،،

02-22-2009, 04:20 PM

[align=center]هلا وغلا

أخووويه عقاب النهار

يعطيك العافيه اخووويه والله كلمات ولا اروووع

ربي يحفظك وفي انتظار جديدك

لاهنت

[/align]

معرض الوسام · 02-22-2009, 11:49 PM

الغالين

شاكر مروركم

واتمنى نالت اعاجبكم

**********

تقديرى

******

عقاب نهار الشمرى

معرض الوسام · 02-23-2009, 04:40 AM

[align=center]
يوم قلتـي أعطنـي حرّيتـي أطلـق يدايـه
ما ذخر عن وجهك الا طعنتينٍ فـي صميمـه

أعجبني حيل هالبيت

ابو ضاري
لاهنت
والف شكر على روعة الأختيار
[/align]

معرض الوسام · 02-23-2009, 04:06 PM

نور
الاهم تنال اعجابك
هذا هو الاهم
وشرفنى مرورك
ولاهنتى

تقديرى

معرض الوسام · 02-23-2009, 07:39 PM

نقل مميز كالعاده وراقي

سلمت ياشاعرنا