في واقعي غيّاب وفـ/ قلبـي حضـور....

[poem=font=",5,purple,bold,normal" bkcolor="deeppink" bkimage="http://www.b3b7.com/vb/mwaextraedit2/backgrounds/188.gif" border="groove,6," type=1 line=1 align=center use=sp num="0,black""]
قلبي مدينة حـزن وضلوعـي السـور=ودمي دموع(ن) مجمره فـي حنايـاي
ووقت(ن) زرع صدري توابيت وقبـور=ليتـه دفنـيّ ماخـذا أحـلام دنـيـاي
الهـم والحرمـان واليـاس والـجـور=متعسكره فيني من اقصاي لـ/ اقصـاي
وذاك المكان اللي من النـاس مهجـور=ياما هربـت إليـه ودموعـي غطـاي
تعبت أدور في سمـا العمـر ديجـور=أشوف به دربي واميـز بـه إخطـاي
وتعبت أكون الصادقه شعـر وشعـور=مع نفسي وناسي وحتـى مـع اشيـاي
مابي كسر فيني من أحبابي ( كسـور )=ماابي وجع بس الوجـع شـل يمنـاي
في واقعي غيّاب وفـ/ قلبـي حضـور=ولالي وطن في أرضهم غيـر منفـاي
مااقول أنا اغليهم بس القلـب مجبـور=زرعهم بدمي ويمشون بـ/ اعضـاي
ماأعرف ألف إن ضاق صدري أو ادور=أحتاج لـي قلـبٍ بـه أفيّـض بكـاي
ولو اعرف أعاتب خطا الغيـر وأثـور=ماكنـت أدور لاتضايقـت مـسـراي
بعض الشعور يموت مايبصـر النـور=لامن طلبتـه يحتضـر فـي شفايـاي
وجروحي اللي كنهـا صـف طابـور=مليت أغنيهـا علـى صرخـة النـاي
وجفن(ن) من مزون المشاريه ممطـور=إينع سهـر بعيونـي وشـب ظلمـاي
ياحزن وش نوحك مـع الـدم مسعـور=تنهش بنيبانـك خفـا الـروح جـواي
ماتدري إني مات بي منـك عصفـور=أكبر طموحه كان قطـرات مـن مـاي
فيني ظما وانا على ( سبعـة بحـور )=عيت تبـل الريـق وتغيـث صحـراي
والدفتر اللـي ماتـت بحبـره سطـور=عجزت أفضفض به عن أوجاع (علياي)
يارب لاضاقت علـي عطنـي شعـور=لو هو ( وهم ) أرسم به الحلـم ويـاي[/poem]

راقتــ ,, لــيـــ

الموضوع الأصلي: في واقعي غيّاب وفـ/ قلبـي حضـور.... || الكاتب: الشمريةالمجهوله || المصدر: منتديات بعد حيي

www.b3b7.com

كلمات البحث

مواضيع اسلامية، مواضيع عامة، قصائد، هاكات ، استايلات