الرجـا في عيد الأضحى يمكن إنك ترجعيـن

صدقيني العيد نفسـه مـا تغيـر مـن سنيـن
فرحة اطفال وتلاقي..لمّة احباب وقرايـب

والاغاني والكروت وقولـة (مْـن العايديـن)
والتمام الشمل يوم العيد .. وانسـام الهبايـب
والتهانـي والهدايـا وحـب روس الوالـديـن
والمواصل للعمام .. وللخوال .. وللنسايـب

كل حاجه مثل ماهي بس انـا حالـف يميـن
إن لا غبتي باسجّل نفسي في هالعيد غايـب
وارجعي بالذاكـره يابنـت وانتـي تعرفيـن
ليه احس العيد عقبك جيّتـه جيّـة مصايـب

ليه لا طالعت (كرت العيد) اكفكـف دمعتيـن
من ذكرت اعيادنا وأيام كان الوضع طايـب
ذكر اني من (مصلى العيد) وانتـي تذكريـن
كنت اسابق خطوتيني متّجـه يمّـك وذايـب

لجل اكون الشخص الاول لجل مني تسمعيـن
في صباح العيد .. جملة (كل عام احنا حبايب)
لجل نكتب خلف (كرت العيد) ذيـك الكلمتيـن
كنت اجيك بقلب طفل وطيش شاب وثقل شايب

كنت انا اعايد وحالي حـال باقـي العاشقيـن
وما معاي الا خفوقي وذي عيوني لك وهايب
وإنتي في اجمل ثيابك كاشخه والزيـن زيـن
تثبتين إنك عجيبة غير عـن كـل العجايـب

فرحة العيد .. بلقانا كانـت اصـلاً فرحتيـن
مثل ضحكات الورود ومثل زخّات السحايب
ما ليوم العيد طعم وما لهـا الذكـرى حنيـن
وكل منّا في مكان وكل واحد لـه طلايـب

الرجا في عيد الاضحى يمكن انـك ترجعيـن
ما اقول إلا عسى الله يجزي من كان السبايب
وإن رجعتي وشفتيَ إني فـي عـداد الميّتيـن
ذا انا باوصيك حاجة قبل تنحـط النصايـب

طالبك في كل عيدٍ .. بعد موتـي .. تكتبيـن
خلف (كرت العيد) جملة كل عام احنا حبايب











للشاعر القدير محمد الشهري

الموضوع الأصلي: الرجـا في عيد الأضحى يمكن إنك ترجعيـن || الكاتب: إنسان حالم || المصدر: منتديات بعد حيي

www.b3b7.com

كلمات البحث

مواضيع اسلامية، مواضيع عامة، قصائد، هاكات ، استايلات

روعه القصيده بس قطعت قلبي 0000الله يجمع شمل كل المحبين بهالعيد المبارك
اختيار جدا جميل لامس القلب
تحياتي

اقتباس:

المشاركة الأصلية كتبت بواسطة أنفال العنزي

روعه القصيده بس قطعت قلبي 0000الله يجمع شمل كل المحبين بهالعيد المبارك
اختيار جدا جميل لامس القلب
تحياتي

تحيه بعبق الورود
شكرا لك على كرم المرور الراقي
لاهنتي حفظك الله بحفظه من كل مكروه
تحياتي لك ،،،،،،،

الرجا في عيد الاضحى يمكن انـك ترجعيـن
ما اقول إلا عسى الله يجزي من كان السبايب
وإن رجعتي وشفتيَ إني فـي عـداد الميّتيـن
ذا انا باوصيك حاجة قبل تنحـط النصايـب

طالبك في كل عيدٍ .. بعد موتـي .. تكتبيـن
خلف (كرت العيد) جملة كل عام احنا حبايب

صــح اللــهـ لســأإنــكـ ولســأإن شـأإعرهـــــأإ ..
رووعــهـ ..
كـل الشكــــــــــــــرر ..

[align=center]
[align=right]ما ليوم العيد طعم وما لهـا الذكـرى حنيـن[/align][align=right]
وكل منّا في مكان وكل واحد لـه طلايـب [/align]


الله يعين..!!


مشكور اخوي على القصيدة الحزينة
وصح لسان الشاعر
[/align]

أنساااان حالم
صح الله نقلك ولساان شاعره أبوعمر
قصـــــيده رائعه وأرتفاع فيه
حس الجمــــال والابداع
بــــــــــجد الله يعين
قصيــــده لاأمل من قرأتهااا لروعته
سلمت على نقلك

قصيده فيها من الحزن الشيئ الكثييير ,,

رغم ارتباطها بالعيييد ,,

صح لسان شاعرها وتسلم يمين ناقلها ,,

لاهنت انسان على النقل,,

قصيدة قمه بالروع والجمال
~ انسان حالم ~
يعطيك الف عافيه اخوي عالنقل المميز
لا عدمناك

كل حاجه مثل ماهي بس انـا حالـف يميـن
إن لا غبتي باسجّل نفسي في هالعيد غايـب

انتقاء في قمة الرووووعه
ذائقتك مميزه دومآ

إنسان حالم
سلمت وسلم نبضك