بيتــﮯ المـﮩـجور

مـدخــــ'ــــل..::!!!
(ليـــهـ ما أنسى
/ جـــرحي /
وأبـدا من جديــــد .!
دامنـي ~ حيّـــهـ ~
وبعروقـي نـبـــــض .!؟

،،،

الا يابعضي الباقي الا يابيتي المهجور
الا ياحلمي العذري .. وتفكيري .. وافآقي

تعبت اركض ورى حب غديت لطاعته مجبور
والاقي في اعز الناس غدر .. وكذب عشاقي

تهيالي العمر ابيض .. تهيالي فرح وسرور
لقيته عمري الاسود .. لقيته طعنت فراقي

تمنيتك ضيا عمري .. تمنيتك عطر وزهور
تعوضني عن الماضي .. تعيش لـ حلمي الباقي

تمنيت الفرح ينزل تمنيت السعاده تزور
وحزني مل من جسمي .. ودمعي حرّق احداقي

رقيت لبرجك العاجي .. بنيتك في هواي قصور
ابي حضن يدفيني .. يدفي برد اعماقي

احبك كثر ما يتبعك خفاقي بدون شعور
احبك كثر ما تاهت خطاي .. وما مشى ساقي

احب رضاك وعتابك وهمسك .. طبعك المغرور
جنون العاطفه .. ذوقك .. دلعك .. وفكرك الراقي

زرعتك بالعشق زهره .. وفاحة من حلاك عطور
لقيت الزهر ذا .. يذبل وتذبل دمعة اوراقي

سهرتك لين مليتك .. بكيتك من سنه وشهور
بكيتك من غروب ايام حبك لين مشراقي

الم .. واحزان .. واوجاع الزمان .. ودمعي المقهور
شقا ايام في عمري تقلبها .. ولا تلاقي

سوى دمعه .. وشمعه ذابله ماعاد فيها نور
وصوره ميت بروازها من كثر اشواقي

خلاص الروح ما عادت تحمل من هواها جور
تشقي كل هالعشاق .. واولهم انا شاقي

ذبحني هالزمان وقمت اصيح بـ خاطر مكسور
وقمت ابكي ملامح صورته وارجع له اشتاقي

الا ليت الفرح كذبه .. ضمير خافي مستور
تعبت انزف دموع الآه .. وناره حيل حرّاقي

غرقت فـ بحر حبك .. وصدمت بـ عالم مغمور
واصيح ما لقيت اللي ينجيني من اغراقي

تهيالي العمر ابيض .. تهيالي فرح وسرور
لقيته عمري الاسود .. لقيته طعنت فراقي

الا يا بعضي الباقي .. متى القى بعضي المنثور ؟
ينور دنيتي بعضه .. واعيش لـ حلمي الباقي ..!!

،،،

مــخــ'ـــرج..::!!!

ليـــهـ / أعلّـــــق /
نبضـي بماضـي بعيــــد .!
وأنسى نفســي | هــنـــاك |
والدنيــا ركــــــض .!؟

لامســـــــــت الاحســــــــــــــــاس
اتمنى ان ترتقي لسمو ذائقتكم

</b></i>

الموضوع الأصلي: بيتــﮯ المـﮩـجور || الكاتب: بوح المشاعر || المصدر: منتديات بعد حيي

www.b3b7.com

كلمات البحث

مواضيع اسلامية، مواضيع عامة، قصائد، هاكات ، استايلات